________________
३१४
दीघनिकाये सीलक्खन्धवग्गअभिनवटीका-१
(१.१.१२-१२)
कप्पियवाचानुसारेन पटिपत्ति, तस्स कथाति परियायकथा। तब्बिपरीतो निप्परियायो, कप्पियम्पि अनुपग्गम्म सन्तुट्ठिवसेन पटिपत्ति, परियाय-सद्दो वा कारणे, तस्मा कप्पियकारणवसेन वुत्ता कथा परियायकथा। तदपि अवत्वा सन्तुढिवसेन वुत्ता निप्परियायो। "सचे"तिआदि अञस्स दानाकारदस्सनं । पाळिया उद्दिसनं उद्देसो। अत्थस्स पुच्छा परिपुच्छन। “अदातुं न वट्टती"ति इमिना अदाने सल्लेखकोपनं दस्सेति । अप्पहोन्तेति कातुं अप्पहोनके सति । पच्चासायाति चीवरपटिलाभासाय। अनुज्ञातकालेति अनत्थते कथिने एको पच्छिमकत्तिकमासो, अत्थते कथिने पच्छिमकत्तिकमासेन सह हेमन्तिका चत्तारो मासा, पिट्ठिसमये यो कोचि एको मासोति एवं ततियकथिनसिक्खापदादीसु अनुञातसमये । सुत्तन्ति चीवरसिब्बनसुत्तं । विनयकम्मं कत्वाति मूलचीवरं परिक्खारचोळं अधिट्ठहित्वा पच्चासाचीवरमेव मूलचीवरं कत्वा ठपेतब्बं, तं पुन मासपरिहारं लभति, एतेन उपायेन याव इच्छति, ताव अचमनं मूलचीवरं कत्वा ठपेतुं लब्भतीति वुत्तनयेन, विकप्पनावसेन वा विनयकम्मं कत्वा । कस्मा न वट्टतीति आह “सनिधि च होति सल्लेखञ्च कोपेती"ति ।
उपरि मण्डपसदिसं पदरच्छन्नं, सब्बपलिगुण्ठिमं वा छादेत्वा कतं वह। उभोसु पस्सेसु सुवण्णरजतादिमया गोपानसियो दत्वा गरुळपक्खकनयेन कता सन्दमानिता। फलकादिना कतं पीठकयानं सिविका। अन्तोलिकासङ्खाता पटपोटलिका पाटङ्की । “एकभिक्खुस्स ही"तिआदि तदत्थस्स समथनं । अरञत्थायाति अरञ्जगमनत्थाय । धोतपादकत्थायाति धोवितपादानमनुरक्खणत्थाय । संहनितब्बा बन्धितब्बाति सकाटा, उपाहनायेव सङ्घाटा तथा, युगळभूता उपाहनाति अत्थो । अञस्स दातब्बाति एत्थ वुत्तनयेन दानं वेदितब्बं ।
मञ्चोति निदस्सनमत्तं । सब्बेपि हि पीठभिसादयो निसीदनसयनयोग्गा गहेतब्बा तेसुपि तथापटिपज्जितब्बतो ।
आबाधपच्चया एव अत्तना परिभुञ्जितब्बा गन्धा वट्टन्तीति दस्सेति "कण्डुकच्छुछविदोसादिआबाधे सती"ति इमिना । “लक्खणे हि सति हेतुत्थोपि कत्थचि सम्भवती"ति हेट्ठा वुत्तोयेव । तत्थ कण्डूति खज्जु । कच्छूति वितच्छिका। छविदोसोति किलासादि । आहरापेत्वाति आतिपवारिततो भिक्खाचारवत्तेन वा न येन केनचि वा आकारेन हरापेत्वा । भेसज्जपच्चयेहि गिलानस्स वित्तिपि वट्टति । “अनुजानामि
314
Jain Education International
For Private & Personal Use Only
www.jainelibrary.org
