________________
३०८
दीघनिकाये सीलक्खन्धवग्गअभिनवटीका-१
(१.१.१०-१०)
“अथ धकं तिधा सालि-सट्ठिकवीहिभेदतो । सालयो हेमन्ता तत्र, सट्ठिका गिम्हजा अपि । वीहयो त्वासळ्हाख्याता, वस्सकालसमुब्भ वा''ति ।। -
वुत्तं । वहति, ब्रहेति वा सत्तानं जीवितन्ति वीहि, सस्सं । युवितब्बो मिस्सितब्बोति यवो। सो हि अतिलूखताय अजेन मिस्सेत्वा परिभुञ्जीयति | गुधति परिवेधति पलिबुद्धतीति गोधूमो, यं “मिलक्खभोजन''न्तिपि वदन्ति । सोभनत्ता कमनीयभावं गच्छतीति कङ्गु, अतिसुखुमधझविसेसो। वरीयति अतिलूखताय निवारीयति, खुद्दापटिविनयनतो वा भजीयतीति वरको। कोरं रुधिरं दूसतीति कुद्रूसको, वण्णसङ्कमनेन यो “गोवड्डनोतिपि वुच्चति । तानि सत्तपि सप्पभेदा निधाने पोसने साधुत्तेन “धञानी''ति वुच्चन्ति । "न केवलञ्चा"तिआदिना सम्पटिच्छनं, परामसनञ्च इध पटिग्गहणसद्देन वुत्तन्ति दस्सेति । एवमीदिसेसु । “अनुजानामि भिक्खवे, वसानि भेसज्जानि अच्छवसं मच्छवसं सुसुकावसं सूकरवसं गद्रभवस"न्ति (महा० व० २६२) वुत्तत्ता इदं पञ्चविधम्पि भेसज्जं ओदिस्स अनुञातं नाम । तस्स पन “काले पटिग्गहित''न्ति वुत्तत्ता पटिग्गहणं वट्टतीति आह "अञत्र ओदिस्स अनुज्ञाता"ति । मंस-सद्देन मच्छानम्पि मंसं गहितं एवाति दस्सेतुं "आमकमंसमच्छान"न्ति वुत्तं, तिकोटिपरिसुद्धं मच्छमंसं अनुज्ञातं अदिटुं, असुतं, अपरिसङ्कितन्ति वा पयोगस्स दस्सनतो विरूपेकसेसनयो दस्सितो अनेनाति वेदितब्बं ।
कामं लोकिया
"अट्ठवस्सा भवे गोरी, दसवस्सा तु कञका । सम्पत्ते द्वादसवस्से, कुमारीतिभिधीयते''ति ।। -
वदन्ति । इध पन पुरिसन्तरगतागतवसेन इत्थिकुमारिकाभेदोति आह "इत्थीति पुरिसन्तरगता"तिआदि । दासिदासवसेनेवाति दासिदासवोहारवसेनेव । एवं वुत्तेति तादिसेन कप्पियवचनेन वुत्ते । विनयट्ठकथासु आगतविनिच्छयं सन्धाय “विनयवसेना"ति वुत्तं । सो कुटिकारसिक्खापदवण्णनादीसु (पारा० अट्ट० ३६४) गहेतब्बो ।
बीजं खिपन्ति एत्थ, खित्तं वा बीजं तायतीति खेत्तं, केदारोति आह “यस्मिं पुब्बणं रुहती"ति । अपरण्णस्स पुब्बे पवत्तमन्नं पुब्बण्णं न-कारस्स ण-कारं कत्वा,
308
Jain Education International
For Private & Personal Use Only
www.jainelibrary.org
