Page Text
________________
(३.८०-८०)
अत्तदीपसरणतावण्णना
अनज्झोत्थतो भूमिभागो। इध पन कामोघादीहि अनज्झोत्थरणीयत्ता दीपो वियाति दीपो, अत्ता दीपो पतिठ्ठा एतेसन्ति अत्तदीपा। तेनाह "अत्तानं दीप"न्तिआदि । दीपभावो चेत्थ पटिसरणताति आह "इदं तस्सेव वेवचन"न्ति । अञसरणपटिक्खेपवचनन्ति अञसरणभावपटिक्खेपवचनं । इदहि न अझं सरणं कत्वा विहरणस्सेव पटिखेपवचनं, अथ खो अञस्स सरणसभावस्सेव पटिक्खेपवचनं तप्पटिक्खेपे च तेन इतरस्सापि पटिक्खेपसिद्धितो । तेनाह "न ही"तिआदि । इदानि तमेवत्थं सुत्तन्तरेन साधेतुं "वुत्तम्पि चेत"न्तिआदि । यदि एत्थ पाकतिको अत्ता इच्छितो, कथं तस्स दीपसरणभावो, तस्मा अधिप्पायिको एत्थ अत्ता भवेय्याति पुच्छति "को पनेत्थ अत्ता नामा"ति । इतरो यथाधिप्पेतं अत्तानं दस्सेन्तो "लोकियलोकुत्तरो धम्मो"ति । दुतियवारोपि पठमवारस्सेव परियायभावेन देसितोति दस्सेतुं “तेनाहा"तिआदि वुत्तं ।
___ गोचरेति भिक्खूनं गोचरट्ठानभूते । तेनाह "चरितुं युत्तट्ठाने"ति । सकेति कथं पनायं भिक्खूनं सकोति आह "पेत्तिके विसये"ति । पितितो सम्मासम्बुद्धतो आगतत्ता "अयं तुम्हाकं गोचरो''ति तेन उद्दिट्टत्ता पेत्तिके विसयेति । चरन्तन्ति सामिअत्थे उपयोगवचनन्ति आह “अयमेवत्थो"ति, चरन्तानन्ति च अत्थो, तेनायं विभत्तिविपल्लासेनपि वचनविपल्लासेनपीति दस्सेति । किलेसमारस्स ओतारालाभेनेव इतरमारानम्पि ओतारालाभो वेदितब्बो । अयं पनत्थोति गोचरे चरणं सन्धायाह, वत्थु पन ब्यतिरेकमुखेन आगतं ।
__ सकुणे हन्तीति सकुणग्धि, महासेनसकुणो। अज्झप्पत्ताति अभिभवनवसेन पत्ता उपगता। न म्यायन्ति मे अयं सकुणग्धि नालं अभविस्स। नङ्गलकट्ठकरणन्ति नङ्गलेन कसितप्पदेसो । लेड्डुवानन्ति लड्डूनं उट्ठपितवानं । सके बलेति अत्तनो बलहेतु। अपत्थद्धाति अवगाळ्हत्थम्भा सञ्जातत्थम्भा । अस्सरमानाति अव्हायन्ती ।
महन्तं लेड्डुन्ति नङ्गलेन भिन्नट्ठाने सुक्खताय तिखिणसिङ्गअयोधनसदिसं महन्तं लेड्डु । अभिरुहित्वाति तस्स अधोभागेन अत्तना पविसित्वा निलीनयोग्गप्पदेसं सल्लक्खेत्वा तस्सुपरि चङ्कमन्तो अस्सरमानो अट्ठासि। “एहि खो"तिआदि तस्स अस्सरमानाकारदस्सनं । सन्नयहाति वातग्गहणवसेन उभो पक्खे समं ठपेत्वा । पच्युपादीति पाविसि । तत्थेवाति यत्थ पुब्बे लापो ठितो, तत्थेव लेड्डुम्हि | उरन्ति अत्तनो उरप्पदेसं । पच्चताळेसीति पति अताळेसि सारम्भवसेन वेगेन गन्त्वा पहरणतो विधारेन्ती पताळेसि । आरम्मणन्ति पच्चयं । “अवसर"न्ति केचि।
Jain Education International
For Private & Personal Use Only
www.jainelibrary.org
| SR No. | 009984 |
| Book Title | Pathikvagga Tika |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 338 |
| Language | Sanskrit |
| Classification | Interfaith & Buddhism |
| File Size | 12 MB |