________________
३. चक्कवत्तिसुत्तवण्णना
अत्तदीपसरणतावण्णना ८०. उत्तानं वुच्चति पाकटं, तप्पटिक्खेपेन अनुत्तानं अपाकटं, पटिच्छन्नं, अपचुरं, दुविनेय्यञ्च । अनुत्तानानं पदानं वण्णना अनुत्तानपदवण्णना। उत्तानपदवण्णनाय पयोजनाभावतो अनुत्तानग्गहणं । “मातुला"ति इथिलिङ्गवसेन लद्धनामो एको रुक्खो, तस्सा आसन्नप्पदेसे मापितत्ता नगरम्पि “मातुला" त्वेव पञायित्थ । तेन वुत्तं "मातुलायन्ति एवं नामके नगरे"ति । अविदूरेति तस्स नगरस्स अविदूरे ।
कामञ्चेत्थ सुत्ते “भूतपुब्बं, भिक्खवे, राजा दळहनेमि नाम अहोसी"तिआदिना अतीतवंसदीपिका कथा आदितो पट्ठाय आगता, “अड्डतेय्यवस्ससतायुकानं मनुस्सानं वस्ससतायुका पुत्ता भविस्सन्ती"तिआदिना पन सविसेसं अनागतत्थपटिसंयुत्ता कथा आगताति वुत्तं "अनागतवंसदीपिकाय सुत्तन्तकथाया'ति । अनागतत्थदीपनहि अच्छरियं, तत्थापि अनागतस्स सम्मासम्बुद्धस्स पटिपत्तिकित्तनं अच्छरियतमं । समागमेनाति सन्निपातेन ।
__ "भत्तग्गं अमनाप"न्तिआदि केवलं तेसं परिवितक्कमत्तं । अमनापन्ति अमनुछ । बुद्धेसु कतो अप्पकोपि अपराधो अप्पको कारो विय गरुतरविपाकोति आह "बुद्धेहि सद्धिं...पे०... सदिसं होती"ति । तत्राति तस्मिं मातुलनगरस्स समीपे, तस्सं वा परिसायं ।
___ अत्तदीपाति एत्थ कामं यो परो न होति, सो अत्ताति ससन्तानो “अत्ताति वुच्चति, हितसुखेसिभावेन पन अत्तनिब्बिसेसत्ता धम्मो इध “अत्ता''ति अधिप्पेतो । तेनाह "अत्ता नाम लोकियलोकुत्तरो धम्मो"ति । द्विधा आपो गतो एत्थाति दीपो, ओघेन
22
Jain Education International
For Private & Personal Use Only
www.jainelibrary.org
