________________
(२.७९-७९)
ब्रह्मचरियपरियोसानादिवण्णना
तंसम्बन्धनतो । जातिजरामरणानं हिताति जातिजरामरणिया। संकिलेसो एत्थ अस्थि, संकिलेसे वा नियुत्ताति संकिलेसिका। वोदानं वुच्चति विसुद्धि, तस्स पच्चयभूतत्ता वोदानिया। तथाभूता चेते वोदापेन्तीति आह “सत्ते वोदापेन्ती"ति। सिखाप्पत्ता पञ्जाय पारिपूरिवेपुल्लता मग्गफलवसेनेव इच्छितब्बाति आह "मग्गपञ्जा...पे०... वेपुल्लत"न्ति । उभोपि वा एतानि पारिपूरिवेपुल्लानि । या हि तस्स पारिपूरी, सा एव वेपुल्लताति । ततोतिसंकिलेसधम्मप्पहानवोदानधम्माभिबुद्धिहेतु ।
७९. “यथा मारेना"ति नयिदं निदस्सनवसेन वुत्तं, अथ खो तथाभावकथनमेवाति दस्सेतुं "मारो किरा"तिआदि वुत्तं । अथाति मारेन तेसं परियुट्ठानप्पत्तितो पच्छा अञासीति योजना। कस्मा पन भगवा पगेव न अज्ञासीति ? अनावज्जितत्ता। मारं पटिबाहित्वाति मारेन तेसु कतं परियुट्ठानं विधमत्वा, न तेसं सति पयोजने बुद्धानं दुक्करं । सोति मग्गफलुप्पत्तिहेतु । तेसं परिब्बाजकानं ।।
फुट्ठाति परियुट्ठानवसेन फुट्ठा । यत्राति निद्धारणे भुम्मन्ति आह “येसू"ति । अजाणत्थन्ति आजाननत्थं, उपसग्गमत्तञ्चेत्थ आ-कारोति आह "जाननत्थ"न्ति, वीमंसनत्थन्ति अत्थो । चित्तं नुप्पन्नन्ति “जानाम तावस्स धम्म''न्ति आजाननत्थं "ब्रह्मचरियं चरिस्सामा''ति एकस्मिं दिवसे एकवारम्पि तेसं चित्तं नुप्पन्नं । सत्ताहो पन वुच्चमानो एतेसं किं करिस्सतीति योजना | सत्ताहं पूरेतुन्ति सत्ताहं ब्रह्मचरियं पूरेतुं, ब्रह्मचरियवसेन वा सत्ताहं पूरेतुन्ति अत्थो। परवादभिन्दनन्ति परवादमद्दनं । सकवादसमुस्सापनन्ति सकवादपग्गण्हनं । वासनायाति सच्चसम्पटिवेधवासनाय । नेसन्ति च पकरणवसेन वुत्तं । तद सम्पि हि भगवतो सम्मुखा, परम्पराय च देवमनुस्सानं सुणन्तानं वासनाय पच्चयो एवाति । यं पनेत्थ अत्थतो न विभत्तं, तं सुविनेय्यमेवाति ।
उदुम्बरिकसुत्तवण्णनाय लीनत्थप्पकासना।
Jain Education International
For Private & Personal Use Only
www.jainelibrary.org
