________________
२०
दीघनिकाये पाथिकवग्गटीका
अचेलकपाळिमत्तम्पीति अचेलकपाळिआगतत्थमत्तम्पि नत्थि, तस्मा मयं अनस्साम विट्ठाति अत्थो । अ-कारो वा निपातमत्तं, नस्सामाति विनस्साम । कुतो परिसुद्धपाळीति कुतो एव अम्हेसु परिसुद्धपाळि आगतपटिपत्ति । एस नयो सेसेसुपि । सुतिवसेनापीति सोतपथागमनमत्तेनापि न जानाम ।
निग्रोधस्सपज्झायनवण्णना
७५.
अस्साति सन्धानस्स गहपतिस्स । कक्खळन्ति फरुसं । दुरासदवचनन्ति अवत्तब्बवचनं । यस्मा फरुसवचनं यं उद्दिस्स पयुत्तं तस्मिं खमापिते खमापकस्स पटिपाकतिकं होति, तस्मा " अयं मयी "तिआदि वृत्तं ।
(२.७५-७८)
७६. बोधत्थाय धम्मं देसेति, न अत्तनो बुद्धभावघोसनत्थाय । वादत्थायाति परवादभञ्जनवादत्थाय । रागादिसमनत्थाय धम्मं देसेति, न अन्तेवासिकम्यताय । ओघनित्थरणत्थायाति चतुरोघनित्थरणत्थाय धम्मं देसेति सब्बसो ओरपारातिण्णमावहत्ता सनाय । सब्बकिलेसपरिनिब्बानत्थाय धम्मं देसेति किलेसानं लेसेनपि देसनाय अपरामट्टभावतो ।
ब्रह्मचरियपरियोसानादिवण्णना
७७. इदं सब्बम्पीति सत्तवस्सतो पट्ठाय याव " सत्ताह"न्ति पदं, इदं सब्बम्पि वचनं । असठो पन अमायावी उजुजातिको तिक्खपञ्ञ उग्घटितद्भूति अधिप्पायो । सो हि तंमुहुत्तेनेव अरहत्तं पत्तुं सक्खिस्सतीति । वङ्कवङ्कोति कायवङ्कादीहिपि वङ्केहि वङ्को जिम्हो कुटिलो । “सटं पनाहं अनुसासितुं न सक्कोमी " ति न इदं भगवा किलासुभावेनेव वदति, अथ खो तस्स अभाजनभावेनेव ।
Jain Education International
७८. पकतिया आचरियोति यो एव तुम्हाकं इतो पुब्बे पकतिया आचरियो अहोसि, सो एव इदानिपि पुब्बाचिण्णवसेन आचरियो होतु, न मयं तुम्हे अन्तेवासिके कातुकामाति अधिप्पायो । न मयं तुम्हाकं उद्देसेन अत्थिका, धम्मतन्ति मेव पन तुम्हे आपेतुकामम्हाति अधिप्पायो । आजीवतोति जीविकाय वुत्तितो । अकुसलाति कोट्ठासं पत्ताति अकुसलाति तं तं कोट्ठासतंयेव उपगता । किलेसदरथसम्पयुत्ताति किलेसदरथसहिता
20
For Private & Personal Use Only
www.jainelibrary.org
