________________
६. पासादिकसुत्तवण्णना
निगण्ठनाटपुत्तकालङ्किरियवण्णना १६४. लक्खस्स सरवेधं अविरज्झित्वान विज्झनविधिं जानन्तीति वेधञा। तेनाह "धनुम्हि कतसिक्खा"ति। सिप्पं उग्गहणत्थायाति धनुसिप्पादिसिप्पस्स उग्गहणत्थाय । मज्झिमेन पमाणेन सरपातयोग्यतावसेन कतत्ता दीघपासादो।
सम्पति कालं कतोति अचिरकालं कतो। वेधिकजाताति जातद्वेधिका सञ्जातभेदा | बेज्झजाताति दुविधभावप्पत्ता । भण्डन्ति परिभासन्ति एतेनाति भण्डनं, विरुद्धचित्तं । तन्ति भण्डनं । “इदं नहानादि न कत्तब्ब''न्ति पञत्तवत्तं पण्णत्ति। धम्मविनयन्ति पावचनं सिद्धन्तं । विज्झन्ता मुखसत्तीहि । सहितं मेति मय्हं वचनं सहितं सिलिटुं पुब्बापरसम्बन्धं अत्थयुत्तं कारणयुत्तं । तेनाह “अत्थसंहित"न्ति । अधिचिण्णन्ति आचिण्णं । विपरावत्तन्ति विरोधदस्सनवसेन परावत्तितं, परावत्तं दूसितन्ति अत्थो । तेनाह "चिरकालवसेन पगुणं, तं मम वादं आगम्म निवत्त"न्ति । परियेसमानो विचर तत्थ गन्त्वा सिक्खाति अत्थो । सचे सक्कोसि, इदानियेव मया वेठितं दोसं निब्बेठेहि । मरणमेवाति अञमञघातनवसेन मरणमेव । नाटपुत्तस्स इमेति नाटपुत्तिया, ते पन तस्स सिस्साति आह “अन्तेवासिकेसू"ति । पुरिमपटिपत्तितो पटिनिवत्तनं पटिवानं, तं रूपं सभावो एतेसन्ति पटिवानरूपा। तेनाह "निवत्तनसभावा"ति। कथनं अत्थस्स आचिक्खनं । पवेदनं हेतुदाहरणानि आहरित्वा बोधनं । तेनाह "दुप्पवेदितेति दुविज्ञापिते"ति । न उपसमाय संवत्ततीति अनुपसमसंवत्तनं, तदेव अनुपसमसंवत्तनिकं, तस्मिं । समुस्सितं हुत्वा पतिट्ठाहेतुभावतो थूपं, पतिठ्ठाति आह "भिनथूपेति भिन्नपतिद्वे"ति, थूपोति वा धम्मस्स निय्यानभावो वेदितब्बो अञ्चे धम्मे अभिभुय्य समुस्सितढेन, सो निगण्ठस्स समये | केहिचि अभिन्नसम्मतोपि भिन्नो विनट्ठो एव सब्बेन सब्बं अभावतोति सो भिन्नथूपो, सो
78
Jain Education International
For Private & Personal Use Only
www.jainelibrary.org
