________________
(५.१६२-१६३)
अच्छरियअब्भुतवण्णना
| ভূত
"सम्मुखा मेत"न्तिआदिना पवत्तितं अत्तनो ब्याकरणं अविपरीतत्थताय सत्थरि पसादुप्पादनेन सम्मापटिपज्जमानस्स अनुक्कमेन लोकुत्तरधम्मावहम्पि होतीति आह "धम्मस्स...पे०... पटिपद"न्ति । वादस्स अनुपतनं अनुप्पवत्ति वादानुपातोति आह "वादोयेवा"ति।
अच्छरियअब्भुतवण्णना
१६२. उदायीति नामं, महासरीरताय पन थेरो महाउदायीति पञायित्थ, यस्स वसेन विनये निसीदनस्स दसा अनुञाता | पञ्चवण्णाति खुद्दिकादिभेदतो पञ्चप्पकारा । पीतिसमुट्ठानेहि पणीतरूपेहि अतिब्यापितदेहो “निरन्तरं पीतिया फुटसरीरो"ति वुत्तो, ततो एवस्सा परियायतो फरणलक्खणम्पि वुत्तं । अप्प-सद्दो “अप्पकसिरेनेवा''तिआदीसु (सं० नि० २.१.१०१; ३.५.१५८; अ० नि० २.७.७१) विय इध अभावत्थोति आह "अप्पिच्छताति नित्तण्हता"ति | तीहाकारेहीतियथालाभयथाबलयथासारुप्पप्पकारेहि ।
न न कथेति कथेतियेव । चीवरादिहेतुन्ति चीवरुप्पादादिहेतुभूतं पयुत्तकथं न कथेति । वेनेय्यवसेनाति विनेतब्बपुग्गलवसेन । कथेति “एवमयं विनयं उपगच्छती''ति । “सब्बाभिभू सब्बविदूहमस्मी"तिआदिका (म० नि० १.२८५; २.३४१; महाव० ११; कथाव० ४०५; ध० प० ३५३) गाथापि “दसबलसमन्नागतो, भिक्खवे, तथागतो''तिआदिका (सं० नि० १.२.२१, २२) सुत्तन्तापि।
१६३. अभिक्खणन्ति अभिण्हं । निग्गाथकत्ता, पुच्छनविस्सज्जनवसेन पवत्तितत्ता च "वेय्याकरण"न्ति वुत्तं । सेसं सब्बं सुविज्ञेय्यं एवाति ।
सम्पसादनीयसुत्तवण्णनाय लीनत्थप्पकासना ।
77
Jain Education International
For Private & Personal Use Only
www.jainelibrary.org
