________________
(५.१६१-१६१)
सासनअन्तरहितवण्णना
परं विनटुं नाम होति, पच्छिमकपटिवेधतो परं पटिवेधसासनं, पच्छिमकसीलभेदतो परं पटिपत्तिसासनं विनटुं नाम होतीति अत्थो ।
सासनअन्तरहितवण्णना
___ एतेन कामं “सासनट्ठितिया परियत्ति पमाण''न्ति वुत्तं, परियत्ति पन पटिपत्तिहेतुकाति पटिपत्तिया असति सा अप्पतिट्ठा होति पटिवेधो विय, तस्मा पटिपत्तिअन्तरधानं सासनोसक्कनस्स विसेसकारणन्ति दस्सेत्वा तयिदं सासनोसक्कनं धातुपरिनिब्बानोसानन्ति दस्सेतुं "तीणि परिनिब्बानानी"तिआदि वुत्तं । धातूनं सन्निपातनादि बुद्धानं अधिट्टानेनेवाति वेदितबं ।
ताति रस्मियो। कारुञ्जन्ति परिदेवनकारुनं। जम्बुदीपे, दीपन्तरेसु, देवनागब्रह्मलोकेसु च विप्पकिरित्वा ठितानं धातूनं महाबोधिपल्लङ्कट्ठाने एकझं सन्निपातनं, रस्मिविस्सज्जनं, तत्थ तेजोधातुया उद्यानं, एकजालिभावो चाति सब्बमेतं सत्थु अधिट्ठानवसेनेवाति वेदितब्बं ।
अनच्छरियत्ताति द्वीसुपि उप्पज्जमानेसु अच्छरियत्ताभावदोसतोति अत्थो । बुद्धा नाम मज्झे भिन्नसुवण्णं विय एकसदिसाति तेसं देसनापि एकरसा एवाति आह "देसनाय च विसेसाभावतो"ति, एतेन च अनच्छरियत्तमेव साधेति । “विवादभावतो"ति एतेन विवादाभावत्थं द्वे एकतो न उप्पज्जन्तीति दस्सेति ।
तत्थाति मिलिन्दपज्हे (मि० प० ५.१.१)। एकुद्देसोति एको एकविधो अभिन्नो उद्देसो । सेसपदेसुपि एसेव नयो ।
एकं एव बुद्धं धारेतीति एकबुद्भधारणी, एतेन एवंसभावा एते बुद्धगुणा, येन दुतियं बुद्धगुणं धारेतुं असमत्था अयं लोकधातूति दस्सेति । पच्चयविसेसनिप्फन्नानहि धम्मानं सभावविसेसो न सक्का निवारेतुन्ति । “न धारेय्या'ति वत्वा तमेव अधारणं परियायेहि पकासेन्तो "चलेय्या"तिआदिमाह । तत्थ चलेय्याति परिप्फन्देय्य । कम्पेय्याति पवेधेय्य । नमेय्याति एकपस्सेन नता भवेय्य । ओणमेय्याति ओसीदेय्य । विनमेय्याति विविधा इतो चितो च नमेय्य । विकिरेय्याति वातेन भुसमुट्ठि विय विप्पकिरेय्य ।
75
Jain Education International
For Private & Personal Use Only
www.jainelibrary.org
