Page Text
________________
( १.३१-३१)
बोधिसत्तधम्मतावण्णना
लोकस्स उत्तरणवसेन गमनस्स पुब्बनिमित्तं । तेन हि भगवा सदेवकस्स लोकस्स अभिभूतो, केनचि अनभिभूतो अहोसि । तेनाह “महाजनं अज्झोत्थरित्वा अभिभवित्वा गमनस्स पुब्बनिमित्त "न्ति । तथा सत्तपदगमनं सत्तपदबोज्झङ्गसम्पन्न अरियमग्गगमनस्स । सुविसुद्ध सेतच्छत्तधारणं सुविसुद्धविमुत्तिछत्तधारणस्स । पञ्चराजककुधभण्डसमायोगो पञ्चविधविमुत्तिगुणसमायोगस्स । अनावटदिसानुविलोकनं अनावटञाणताय । "अग्गोहमस्मी'' तिआदिना अछम्भितवाचाभासनं केनचि अविबन्धनीयताय अप्पवत्तियस्स सद्धम्मचक्कप्पवत्तनस्स । " अयमन्तिमा जाती 'ति आयति जातिया अभावकित्तना अनुपादि...पे०... पुब्बनिमित्तन्ति वेदितब्बं तस्स तस्स अनागते लद्धब्बविसेसस्स तं तं निमित्तं अब्यभिचारीति कत्वा । न आगतोति इमस्मिं सुत्ते, अञ्ञत्थ च वक्खमानाय अनुपुब्बिया न आगतो । आहरित्वाति तस्मिं तस्मिं सुत्ते, अट्ठकथासु च आगतनयेन आहरित्वा दीपेतब्बो ।
Jain Education International
“दससहस्सिलोकधातु कम्पीति इदं सतिपि इध पाळियं आगतत्ते वक्खमानानं अच्छरियानं मूलभूतं दस्सेतुं वुत्तं एवं अञ्ञम्पि एवरूपं दट्ठब्बं । तन्तिबद्धा वीणा चम्मबद्धा भेरियोति पञ्चङ्गिकतूरियस्स निदस्सनमत्तं च- सद्देन वा इतरेसम्पि सङ्ग्रहो दट्ठब्बो । “अन्दुबन्धनादीनि तङ्घणे एव छज्जित्वा पुन पाकतिकानेव होन्ति, तथा जच्चन्धादीनं चक्खुसोतादीनि तथारूपकम्मपच्चया तस्मिंयेव खणे उप्पज्जित्वा तावदेव विगच्छन्ती'ति वदन्ति । छिज्जिंसूति च पादेसु बन्धट्ठानेसु छिज्जिंसु । विगच्छिंसूति वूपसमिसु । आकासकरतनानि नाम तंतंविमानगतमणिरतनादीनि । सकतेजोभासितानीति अतिविय समुज्जलाय अत्तनो पभाय ओभासितानि अहेतुं । नप्पवत्तीति न सन्निपातो । न वायति खरो वातो न वायि । मुदुसुखो पन सत्तानं सुखावहो वायि । पथविगता अहे सुं उच्चट्ठाने ठातुं अविसहन्ता । उतुसम्पन्नोति अनुण्हासीततासङ्घातेन उतुना सम्पन्नो | अप्फोटनं वुच्चति भुजहत्थसङ्घट्टनसद्दो, अत्थतो पन वामहत्थं उरे ठपेत्वा दक्खिणेन पुथुपाणिना हत्थताळनेन सद्दकरणं । मुखेन उस्सेळनं सद्दस्स मुञ्चनं सेळनं । एकद्धजमाला अहोसि निरन्तरं धजमालासमोधानगताय । न केवलञ्च एतानि एव, अथ खो अञ्ञानिपि “विचित्तपुप्फसुगन्धपुप्फवस्सदेवोपवस्सि सूरिये दिस्समाने एव तारका ओभासिंसु, अच्छं विप्पसन्नं उदकं पथवितो उब्भिज्जि, बिलासया च तिरच्छाना आसयतो निक्खमिंसु, रागदोसमोहापि तनु भविंसु, पथवियं रजो वूपसमि, अनिट्ठगन्धो विगच्छि, दिब्बगन्धो वायि, रूपिनो देवा सरूपेनेव मनुस्सानं आपाथं अगमंसु, सत्तानं चुतूपपाता नाहेसुन्ति
२७
27
For Private & Personal Use Only
www.jainelibrary.org
| SR No. | 009983 |
| Book Title | Mahavagga Tika |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 410 |
| Language | Prakrit, Sanskrit |
| Classification | Interfaith & Buddhism |
| File Size | 15 MB |