Page Text
________________
(१.२८-३१)
२८.
अजिनप्पवेणियाति अजिनचम्मेहि सिब्बित्वा कतपवेणिया । महातेजोति महानुभावो । महायसोति महापरिवारो, विपुलकित्तिघोसो च ।
२६
दीघनिकाये महावग्गटीका
२९. भग्गविभग्गाति सम्बाधट्ठानतो निक्खमनेन विभावितत्ता भग्गा, विभग्गा विय च हुत्वा, तेन नेसं अविसदभावमेव दस्सेति । अलग्गो हुत्वाति गब्भासये, योनिपदेसे च कत्थचि अलग्गो असत्तो हुत्वा यतो “धमकरणतो उदकनिक्खमनसदिसन्ति वृत्तं । उदकेनाति गब्भासयगतेन उदकेन । अमक्खितोव निक्खमति सम्मक्खितस्स तादिसस्स उदकसेम्हादिकस्सेव तत्थ अभावतो । बोधिसत्तस्स हि पुञ्ञानुभावतो पटिसन्धिग्गण पट्ठाय तं ठानं पुब्बेपि विसुद्धं विसेसतो परमसुगन्धगन्धकुटि विय चन्दनगन्धं वायन्तं तिट्ठति ।
उदकवट्टियोति उदकक्खन्धा ।
३१. मुहुत्तजातोति मुहुत्तेन जातो हुत्वा मुहुत्तमत्तोव । अनुधारियमानेति अनुकूलवसेन नीयमाने । आगतानेवाति तं ठानं उपगतानि एव । अनेकसाखन्ति रतनमयानेकसतपतिट्ठानहीरकं । सहस्समण्डलन्ति तेसं उपरिट्ठितं अनेकसहस्समण्डलहीरकं । मरूति देवा । न खो पन एवं दट्ठब्बं पदवीतिहारतो पगेव दिसाविलोकनस्स कतत्ता । तेनाह " महासत्तो ही " तिआदि । एकङ्गणानीति विवटभावेन विहारङ्गणपरिवेणङ्गणानि विय एकङ्गणसदिसानि अहेसुं । सदिसोपि नत्थीति तुम्हाकं इदं विलोकनं विसिट्ठे पस्सितुं "इध तुम्हेहि सदिसोपि नत्थि, कुतो उत्तरितरो” ति आहंसु । अग्गोति पधानो, केन पनस्स पधानताति आह " गुणेही "ति । पठम - सद्दो चेत्थ पधानपरियायो । बोधिसत्तस्स पन पधानता अनञ्ञसाधारणाति आह "सब्बपटमो "ति, सब्बपधानोति अत्थो । एतस्सेवाति अग्गसद्दस्सेव । एत्थ च महेसक्खा ताव देवा तथा च वदन्ति, इतरे पन कथन्ति ? महासत्तस्स आनुभावदस्सनादिना । महेसक्खानहि देवानं महासत्तस्स आनुभावो विय तेन सदिसानम्पि आनुभावो पच्चक्खो अहोसीति, इतरे पन तेसं वचनं सुत्वा सद्दहन्ता अनुमिनन्ता तथा आहंसु । परिपाकगतपुब्बहेतुसंसिद्धाय धम्मताय चोदियमानो इमस्मिं... पे०... व्याकासि ।
जातमत्तस्सेव बोधिसत्तस्स ठानादीनि येसं विसेसाधिगमानं पुब्बनिमित्तभूतानीति ते निद्धारेत्वा दस्सेन्तो " एत्थ चा "तिआदिमाह । तत्थ पतिट्ठानं चतुरिद्धिपादपटिलाभस्स पुब्बनिमित्तं इद्धिपादवसेन लोकुत्तरधम्मेसु सुप्पतिट्ठितभावसमिज्झनतो । उत्तराभिमुखभावो
Jain Education International
26
For Private & Personal Use Only
www.jainelibrary.org
| SR No. | 009983 |
| Book Title | Mahavagga Tika |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 410 |
| Language | Prakrit, Sanskrit |
| Classification | Interfaith & Buddhism |
| File Size | 15 MB |