________________
।। नमो तस्स भगवतो अरहतो सम्मासम्बुद्धस्स ।।
दीघनिकाये
महावग्गटीका
१. महापदानसुत्तवण्णना
पुब्बेनिवासपटिसंयुत्तकथावण्णना १. यथाजातानं करेरिरुक्खानं घनपत्तसाखाविटपेहि मण्डपसोपेहि सञ्छन्नो पदेसो "करेरिमण्डपो"ति अधिप्पेतो । द्वारेति द्वारसमीपे । द्वारे ठितरुक्खवसेन अञ्जत्थापि समझा अत्थीति दस्सेतुं “यथा"तिआदि वुत्तं । कथं पन भगवा महागन्धकुटियं अवसित्वा तदा करेरिकुटिकायं विहासीति ? सापि बुद्धस्स भगवतो वसनगन्धकुटि एवाति दस्सेन्तो "अन्तोजेतवने"तिआदिमाह। सलळागारन्ति देवदारुरुक्खेहि कतगेहं। पकतिभत्तस्स पच्छतोति भिक्खूनं पाकतिकभत्तकालतो पच्छा, ठितमज्झन्हिकतो उपरीति अत्थो । पिण्डपाततो पटिक्कन्तानन्ति पिण्डपातभोजनतो अपेतानं । तेनाह "भत्तकिच्च"न्तिआदि ।
Jain Education International
For Private & Personal Use Only
www.jainelibrary.org
