________________
( ७.३४१ - ३४१ )
देवतासन्निपातवण्णना
उमापुप्फनिभासिनो वण्णतो उमापुप्फसदिसाति एवमत्थो गहेतब्बो, अञ्ञथा एकादस देवकाया सियुं ।
दसेतेति एते दस सहभूदेवादयो वासवनेसिपरियोसाना दस देवकाया । तेनेव निकायभेदवसेन दसधाव आगता ।
“समाना" तिआदि तेसं देवानं निकायसमुदायगतं नामं । एवं सेसानम्पि ।
दसेतेति एते समानादिका महापारगपरियोसाना दस देवकाया । तेनेव निकायभेदेन
दसधा आगता ।
२२५
सुक्कादयो तयो देवकाया । पामोक्खदेवाति पमुखा पधानभूता देवा ।
दिसाति दिसासु । देवोति मेघो । दसेतेति एते सुक्कादयो पज्जुन्नपरियोसाना दस देवकाया, ते देवनिकायभेदेन दसधा आगता ।
दसेतेति एते खेमियादयो परनिम्मितपरियोसाना दस देवकाया, ते देवनिकायभेदेन दधाव आगता । तत्थ " खेमिया, कट्टकादयो च पञ्चापि सदेवकाया तावतिंसकायिका "ति वदन्ति । नामन्वयेनाति नामानुगमेन “आपोदेवता'' तिआदिनामसभागेन । तेनेवाह "नामभागेन नामकोट्ठासेना "ति । सब्बा देवताति दससहस्सिलोकधातूसु सब्बापि देवता । निद्दिसति तंतंनामसभागेन एकज्झं कत्वा ।
पवुत्थाति पवासं गता विय अपेताति आह “विगता "ति । पवुत्था वा पकारतो वुत्था वुसिता, तेन जाति वुसितब्बा अस्साति पवुट्टजाति । काळकभावा संकिलेसधम्मा, सब्बसो तदभावतो काळकभावातीतं दसबलं । लञ्चनाभावेन वा असितातिगो काळकभावातीताय सिरिया चन्दो, तादिसं चन्दं विय सिरिया विरोचमानं ।
Jain Education International
३४१. एको ब्रह्माति सगाथकवग्गे (सं० नि० १.१.९८) आगतो सुब्रह्मदेवपुत्तो । ब्रह्मलोके निब्बत्तित्वा हेट्टिमेसु पतिट्ठिता अरियब्रह्मानो, न सुद्धावासब्रह्मानो । तिस्समहाब्रह्मा पुथुज्जनो, यो अपरभागे मनुस्सेसु निब्बत्तित्वा मोग्गलिपुत्ततिस्सत्थेरो जातो ।
225
For Private & Personal Use Only
www.jainelibrary.org
