Page Text
________________
( ७.३३४-३३४)
देवतासन्निपातवण्णना
बुद्धमुनिं । पहूतपञ्ञन्ति महापञ्ञ । तिण्णन्ति चतुरोघतिण्णं । पारङ्गतन्ति निब्बानप्पत्तं, सब्बस्स वा भेय्यस्स पारं परियन्तं गतं । परिनिब्बुतं सउपादिसेसनिब्बानवसेन । ठितत्तन्ति अवट्ठितचित्तं लोकधम्मेहि अकम्पनेय्यताय । निक्खम्म घरा पनुज्ज कामेति वत्थुकामे पनूदित्वा घरावासा निक्खम्म । कथं भिक्खु सम्मा सो लोके परिब्बजेय्याति सो भिक्खु कथं सम्मा परिब्बजेय्य गच्छेय्य विहरेय्य, अनुपलित्तो हुत्वा लोकं अतिक्कमेय्यति अत्थो ।
३३४. सिलोकं अनुकस्सामीति एत्थ सिलोको नाम पादसमुदयो, इसीहि वुच्चमाना गाथातिपि वुच्चति । पादोव नियतवण्णानुपुब्बिकानं पदानं समूहो, तं सिलोकं अनुकस्सामि पवत्तयिस्सामीति अत्थोति आह " अक्खर... पे०... पवत्तयिस्सामी 'ति । यत्थाति अधिकरणे भुम्मं । आमेडितलोपेनायं निद्देसोति आह "येसु येसु ठानेसू 'ति । भुम्माति भूमिपटिबद्धनिवासा । तं तं निस्सिता तं तं ठानं निस्सितवन्तो निस्साय वसमाना, तेहि सद्धिं सिलोकं अनुकस्सामीति अधिप्पायो । “ये सिता गिरिगब्भर "न्ति इमिना तेसं विवेकवासं दस्सेति, “पहितत्ता समाहिता" ति इमिना भावनाभियोगं ।
२२१
बहुजना पञ्चसतसङ्ख्यत्ता । पटिपक्खाभिभवनतो, तेजुस्सदताय च सीहा विय पविवित्तताय निलीना । एकत्तन्ति एकीभावं । ओदातचित्ता हुत्वा सुद्धाति अरहत्तमग्गाधिगमेन परियोदातचित्ता हुत्वा सुद्धा, न केवलं सरीरसुद्धियाव । विष्पसन्नाति अरियमग्गप्पसादेन विसेसतो पसन्ना । चित्तस्स आविलभावकरानं किलेसानं अभावेन अनाविला ।
भिक्खू जानित्वति भिन्नकिलेसे भिक्खू “इमे दिब्बचक्खुना एते देवकाये पसन्तीति जानित्वा । सवनन्ते जातत्ताति धम्मस्सवनपरियोसाने अरियजातिया जातत्ता । इदं सब्बन्ति इदं "भिय्यो पञ्चसते "ति आदिकं सब्बं ।
Jain Education International
तदत्थाय वीरियं करिंसूति दिब्बचक्खुआणाभिनीहारवसेन वीरियं उस्साहं अकंसु । तेनाह " न तं तेही 'तिआदि । सत्तरिन्ति त-कारस्स रकारादेसं कत्वा वुत्तं, सत्ततिन्ति अत्थो । “सहस्स'"न्ति पन अनुवत्तति, सत्ततियोगेन बहुवचनं । तेनाह “ एके सहस्सं । एके सत्ततिसहस्सानी 'ति ।
अनन्तन्ति अन्तरहितं, तं पन अतिविय महन्तं नाम होतीति आह " विपुल "न्ति ।
221
For Private & Personal Use Only
www.jainelibrary.org
| SR No. | 009983 |
| Book Title | Mahavagga Tika |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 410 |
| Language | Prakrit, Sanskrit |
| Classification | Interfaith & Buddhism |
| File Size | 15 MB |