________________
(४.२४७-२४९)
अस्सरतनवण्णना
१७९
चिन्तथाति वदन्ति चक्कवत्तिवत्तस्स परितताय परिचितत्ता। काळतिलकादीनं अभावेन विसुद्धसेतसरीरो। सत्तपतिद्वोति भूमिफुसनकेहि वालधि, वरङ्गं, हत्थोति इमेहि च तीहि, चतूहि पादेहि चाति सत्तहि अवयवेहि पतिट्टितत्ता सत्तपतिट्ठो। सब्बकनिट्ठोति सब्बेहि छद्दन्तकुलहत्थीहि हीनो। उपोसथकुला सब्बजेट्ठोति उपोसथकुलतो आगच्छन्तो तत्थ सब्बप्पधानो आगच्छतीति योजना | वत्तनयेनाति "महादानं दत्वा"तिआदिना वत्तेन नयेन । चक्कवत्तीनं. चक्कवत्तिपत्तानञ्च चक्कवत्तिं उद्दिस्स चिन्तयन्तानं आगच्छति। अपनेत्वाति अत्तनो आनुभावेन अपनेत्वा । गन्धमेव हि तस्स इतरे हत्थी न सहन्ति ।
घरधेनुवच्छको वियाति घरे परिचितधेनुया तत्थेव जातसंवद्धवच्छको विय । सकलपथविन्ति सकलं जम्बुदीपसञितं पथवि ।
अस्सरतनवण्णना २४७. सिन्धवकुलतोति सिन्धवस्साजानीयकुलतो ।
मणिरतनवण्णना
___२४८. सकटनाभिसमपरिणाहन्ति परिणाहतो महासकटस्स नाभिया समप्पमाणं । उभोसु अन्तेसूति हेट्ठा, उपरि चाति द्वीसु अन्तेसु। कण्णिकपरियन्ततोति द्विन्नं कञ्चनपदुमानं कण्णिकाय परियन्ततो । मुत्ताजालके ठपेत्वाति सुविसुद्धे मुत्तमये जालके पतिद्वापेत्वा । अरुणुग्गमनवेला वियाति अरुणुग्गमनसीसेन सूरियउदयक्खणं उपलक्खेति ।
इत्थिरतनवण्णना
२४९. “इस्थिरतनं पातुभवती''ति वत्वा कुतस्सा पातुभावोति दस्सेतुं "मद्दराजकुलतो"तिआदि वुत्तं । मद्दरटुं किर जम्बुदीपे अभिरूपानं इत्थीनं उप्पत्तिट्टानं । तथा हि “सिञ्चयमहाराजस्स देवी, वेस्सन्तरमहाराजस्स देवी, भद्दकापिलानी''ति एवमादि इत्थिरतनं मद्दढे एव उप्पन्नं । पुञानुभावेनाति चक्कवत्तिरो पुञतेजेन ।
सण्ठानपारिपूरियाति हत्थपादादिसरीरावयवानं सुसण्ठिताय। अवयवपारिपूरिया हि
179
Jain Education International
For Private & Personal Use Only
www.jainelibrary.org
