________________
१६२
दीघनिकाये महावग्गटीका
(३.२०९-२१०)
गुणकथा महन्तभावदस्सनत्थञ्चेव अजेसं दुक्कटभावदस्सनत्थञ्च आगताव । एतेनेव चाति च-सद्देन “अहं एतरहि अरहं सम्मासम्बुद्धो" (दी० नि० २.४), "सदेवकस्मिं लोकस्मिं नत्थि मे पटिपुग्गलो"ति (म० नि० १.२८५; २.३४१; महाव० ११; कथाव० ४०५; मि० प० ५.११) च एवं आदीनं सङ्गहो दट्ठब्बो। ब्यत्तोति खन्धकोसल्लादिसङ्घातेन वेय्यत्तियेन समन्नागतो । मेधावीति मेधासङ्घाताय सम्माभाविताय पाय समन्नागतो ।
२०९. पटिसन्थारधम्मन्ति पकतिचारित्तवसेन वुत्तं, उपगतानं पन भिक्खूनं भिक्खुनीनञ्च पुच्छाविस्सज्जनवसेन चेव चित्तरुचिवसेन च यथाकालं धम्म देसेतियेव, उपासकोपासिकानं पन उपनिसिन्नकथावसेन ।
महासुदस्सनसुत्तदेसनावण्णना
२१०. खुद्दक-सद्दो पतिरूपवाची, क-सदो अप्पत्थोति आह "खुद्दकनगरकेति नगरपतिरूपके सम्बाधे खुद्दकनगरके"ति । धुपरविसालसण्ठानताय तं "उज्जङ्गलनगरक"न्ति वुत्तन्ति आह "विसमनगरके"ति । अओसं महानगरानं एकदेसप्पमाणताय साखासदिसे। एत्थ च "खुद्दकनगरके"ति इमिना तस्स नगरस्स अप्पकभावो वुत्तो, “उज्जङ्गलनगरके"ति इमिना भूमिविपत्तिया निहीनभावो, “साखानगरके''ति इमिना अप्पधानभावो । सारप्पत्ताति विभवसारादिना सारमहत्तं पत्ता ।
कहापणसकटन्ति एत्थ “द्विकुम्भं सकटं। कुम्भो पन दसम्बणो"ति वदन्ति । द्वे पविसन्तीति द्वे कहापणसकटानि द्वे आयवसेन पविसन्ति ।।
सुभिक्खाति सुलभाहारा, सुन्दराहारा च। तेनाह "खज्जभोज्जसम्पन्ना"ति । सदं करोन्तेति रवसारिना तुट्ठभावेन कोञ्चनादं करोन्ते । अविवित्ताति असुञा, कदाचि रथो पठमं गच्छति, तं अञो अनुबन्धन्तो गच्छति, कदाचि दुतियं वुत्तरथो पठमं गच्छति, इतरो तं अनुबन्धति एवं अञमङ्गं अनुबन्धमाना। एत्थाति कुसावतीनगरे । तस्स महन्तभावतो चेव इद्धादिभावतो च निच्चं पयोजितानेव भेरिआदीनि तूरियानि, सम्म सम्माति वा अञ्जमजं पियालापसद्दो सम्म-सद्दो। कंसताळादिसब्बताळावचरसद्दो ताळ-सद्दो, कूटभेरि-सद्दो कुम्भथूणसद्दो ।
162
Jain Education International
For Private & Personal Use Only
www.jainelibrary.org
