Page Text
________________
(३.१८९-१९०)
कम्मारपुत्तचुन्दवत्थुवण्णना
१५१
तेनाह "आचरियवादो नाम अट्ठकथा"ति। तिस्सो सङ्गीतियो आरुळहो एव च बुद्धवचनस्स अत्थसंवण्णनाभूतो कथामग्गो महिन्दत्थेरेन तम्बपण्णिदीपं आभतो पच्छा तम्बपण्णियेहि महाथेरेहि सोहळभासाय ठपितो निकायन्तरलद्धिसङ्करपरिहरणत्थं । अत्तनोमति नाम थेरवादो । नयग्गाहेनाति सुत्तादितो लब्भमाननयग्गहणेन | अनुबुद्धियाति सुत्तादीनियेव अनुगतबुद्धिया। अत्तनो पटिभानन्ति अत्तनो एव तस्स अत्थस्स वुत्तनयेन उपट्टानं, यथाउपट्ठिता अत्था एव तथा वुत्ता | समेन्तमेव गहेतब्बन्ति यथा सुत्तेन संसन्दति, एवं महापदेसतो अत्था उद्धरितब्बाति दस्सेति । पमादपाठवसेन आचरियवादस्स कदाचि पाळिया असंसन्दनापि सिया, सो न गहेतब्बोति दस्सेन्तो आह “आचरियवादोपि सुत्तेन समेन्तोयेव गहेतब्बो"ति । सब्बदुब्बला पुग्गलस्स सयं पटिभानभावतो। तथा च सापि गहेतब्बा, कीदिसी ? सुत्तेन समेन्ता येवाति योजना । तासूति तीसु सङ्गीतीसु । “आगतमेव पमाण"न्ति इमिना महाकस्सपादीहि सङ्गीतमेव “सुत्तन्ति इधाधिप्पेतन्ति तदञस्स सुत्तभावमेव पटिक्खिपति । तदत्था एव हि तिस्सो सङ्गीतियो । तत्थाति गारव्हसुत्ते । न चेव सुत्ते ओसरन्ति, न च विनये सन्दिस्सन्तीति वेदितब्बानि तस्स असुत्तभावतो तेन "अनुलोमकप्पियं सुत्तेन समेन्तमेव गहेतब्ब"न्ति वुत्तं एवत्थं निगमनवसेन निदस्सेति । सब्बत्थ "न इतर"न्ति वचनं तत्थ तत्थ गहितावधारणफलदस्सनं दट्टब् ।
कम्मारपुत्तचुन्दवत्थुवण्णना
१८९. सूकरमद्दवन्ति वनवराहस्स मुदुमंसं । यस्मा चुन्दो अरियसावको सोतापन्नो, अछे च भगवतो, भिक्खुसङ्घस्स च आहारं पटियादेन्ता अनवज्जमेव पटियादेन्ति, तस्मा वुत्तं "पवत्तमंस"न्ति । तं किराति "नातितरुणस्सा"तिआदिना वुत्तविसेसं । तथा हि तं "मुदु चेव सिनिद्धञ्चा"ति वुत्तं । मुदुमंसभावतो हि अभिसङ्घरणविसेसेन च "मद्दव"न्ति वुत्तं । ओजं पखिपिंसु “अयं भगवतो पच्छिमको आहारो"ति पुञ्जविसेसापेक्खाय, तं पन तथापक्खित्तदिब्बोजताय गरुतरं जातं ।।
अझे यं दुज्जीरं, तं अजानन्ता “कस्सचि अदत्वा विनासित''न्ति उपवदेय्युन्ति परूपवादमोचनत्थं भगवा “नाहं त"न्तिआदिना सीहनादं नदति ।
१९०. कथं पनायं सीहनादो ननु तं भगवतोपि सम्मापरिणामं न गतन्ति ? नयिदं एवं दट्ठब्बं, यस्मा “सम्मदेव तं भगवतो परिणामं गत"न्ति वत्तुं अरहति तप्पच्चया
151
Jain Education International
For Private & Personal Use Only
www.jainelibrary.org
| SR No. | 009983 |
| Book Title | Mahavagga Tika |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 410 |
| Language | Prakrit, Sanskrit |
| Classification | Interfaith & Buddhism |
| File Size | 15 MB |