________________
(२.७९-७९)
ब्रह्मचरियपरियोसानादिवण्णना
मारो किर सत्था अतिविय गज्जन्तो बुद्धबलं दीपेत्वा इमेसं परिब्बाजानं धम्मं देसेति, कदाचि धम्माभिसमयो भवेय्य, हन्दाहं परियुट्ठामीति सो तेसं चित्तानि परियुट्ठासि । अप्पहीनविपल्लासानञ्हि चित्तं मारस्स यथाकामकरणीयं होति । तेपि मारेन परियुट्ठितचित्ता थद्धङ्गपच्चङ्गा विय तुम्ही अप्पटिभाना निसीदिंसु । अथ सत्था इमे परिब्बाजका अतिविय निरवा हुत्वा निसिन्ना, किं नु खोति आवज्जन्तो मारेन परियुट्ठितभावं अञ्ञासि । सचे पन तेसं मग्गफलुप्पत्तिहेतु भवेय्य, मारं पटिबाहित्वापि भगवा धम्मं देसेय्य, सो पन तेसं नत्थि । “सब्बेपि मे तुच्छपुरिसा "ति अञ्ञसि । तेन वुत्तं "अथ खो भगवतो एतदहोसि सब्बेपि मे मोघपुरिसा "तिआदि ।
Jain Education International
तत्थ फुट्ठा पापिमताति पापिमता मारेन फुट्ठा । यत्र हि नामाति येसु नाम । अञ्ञाणत्थम्पीति जाननत्थम्पि । किं करिस्सति सत्ताहोति समणेन गोतमेन परिच्छिन्नसत्ताहो अम्हाकं किं करिस्सति । इदं वुत्तं होति " समणेन गोतमेन 'सयं अभिज्ञा सच्छिकत्वा उपसम्पज्ज विहरिस्सति सत्ताहन्ति वृत्तं, सो सत्ताहो अम्हाकं किं अप्फासुकं करिस्सति । हन्द मयं सत्ताहब्भन्तरे एतं धम्मं सच्छिकातुं सक्का, न सक्काति अञ्ञाणत्थम्पि ब्रह्मचरियं चरिस्सामा ''ति । अथ वा जानाम तावस्स धम्मन्ति एकदिवसे एकवारं अञ्ञाणत्थम्पि एतेसं चित्तं नुप्पन्नं, सत्ताहो पन एतेसं कुसीतानं किं करिस्सति, किं सक्खिस्सन्ति ते सत्ताहं पूरेतुन्ति अयमेत्थ अधिप्पायो । सीहनादन्ति परवादभिन्दनं सकवादसमुस्सापनञ्च अभीतनादं नदित्वा । पच्चुपट्ठासीति पतिट्ठितो । तावदेवाति तस्मिञ्ञेव खणे । राजगहं पाविसीति राजगहमेव पविट्ठो । तेसं पन परिब्बाजकानं किञ्चापि इदं सुत्तन्तं सुत्वा विसेसो न निब्बत्तो, आयति पन नेसं वासनाय पच्चयो भविस्सतीति । सेसं सब्बत्थ उत्तानमेवाति ।
सुमङ्गलविलासिनिया दीघनिकायट्ठकथाय उदुम्बरिकत्तवण्णना निट्ठिता ।
२५
25
For Private & Personal Use Only
www.jainelibrary.org
