Page Text
________________
दीघनिकाये पाथिकवग्गट्ठकथा
अचेलपाधिकपुत्तवत्थुवण्णना
१५. पाथिकपुत्तोति पाथिकस्स पुत्तो । आणवादेना ति आणवादेन सद्धिं । उपड्डपथन्ति योजनं चे, नो अन्तरे भवेय्य, गोतमो अड्डुयोजनं, अहं अड्ढयोजनं । एस नयो अड्ढयोजनादीसु । एकपदवारम्पि अतिक्कम्म गच्छतो जयो भविस्सति, अनागच्छतो पराजयोति । ते तत्थाति ते मयं तत्थ समागतट्ठाने । तद्दिगुणं तद्दिगुणाहन्ति ततो ततो दिगुणं दिगुणं अहं करिस्सामि, भगवता सद्धिं पाटिहारियं कातुं असमत्थभावं जानन्तोपि “उत्तमपुरिसेन सद्धिं पट्टपेत्वा असक्कुणन्तस्सापि पासंसो होती 'ति ञत्वा एवमाह । नगरवासिनोपि तं सुत्वा " असमत्थो नाम एवं न गज्जति, अद्धा अयम्पि अरहा भविस्सती 'ति तस्स महन्तं सक्कारमकंसु ।
१६. येनाहं तेनुपसङ्कमीति "सुनक्खत्तो किर पाथिकपुत्तो एवं वदतीति अस्सोसि । अथस्स हीनज्झासयत्ता हीनदस्सनाय चित्तं उदपादि ।
Jain Education International
(१.१५-१७)
सो भगवतो वत्तं कत्वा भगवति गन्धकुटिं पविट्ठे पाथिकपुत्तस्स सन्तिकं गन्त्वा पुच्छि "तुम्हे किर एवरूपिं कथं कथेथा "ति ? " आम, कथेमा" ति । यदि एवं “मा भात्थि विस्सत्था पुनप्पुनं एवं वदथ, अहं समणस्स गोतमस्स उपट्ठाको तस्स विसयं विजानामि, तुम्हेहि सद्धिं पाटिहारियं कातुं न सक्खिस्सति, अहं समणस्स गोतमस्स कथेत्वा भयं उप्पादेत्वा तं अञ्ञतो गहेत्वा गमिस्सामि, तुम्हे मा भायित्थाति तं अस्सासेत्वा भगवतो सन्तिकं गतो । तेन वुत्तं "येनाहं तेनुपसङ्कमी 'ति । तं वाचन्तिआदीसु “अहं अबुद्धोव समानो बुद्धोम्हीति विचरिं, अभूतं मे कथितं नाहं बुद्धो 'ति वदन्तो तं वाचं पजहति नाम । रहो निसीदित्वा चिन्तयमानो " अहं 'एत्तकं कालं अबुद्धोव समानो बुद्धोम्ही 'ति विचरिं इतो दानि पट्ठाय नाहं बुद्धो " ति चिन्तयन्तो तं चित्तं पजहति नाम । " अहं 'एत्तकं कालं अबुद्धोव समानो बुद्धोम्ही 'ति पापकं दिट्ठि गहेत्वा विचरिं इतो दानि पट्ठाय इमं दिट्ठि पजहामी 'ति पजहन्तो तं दिट्ठि पटिनिस्सज्जति नाम । एवं अकरोन्तो पन तं वाचं अप्पहाय तं चित्तं अप्पहाय तं दिट्ठि अप्पटिनिस्सज्जित्वाति वुच्चति । विपतेय्याति बन्धना मुत्ततालपक्कं विय गीवतो पतेय्य, सत्तधा वा पन फलेय्य
१७. रक्खतेतन्ति रक्खतु एतं । एकंसेनाति निप्परियायेन । ओधारिताति भासिता ।
8
For Private & Personal Use Only
www.jainelibrary.org
| SR No. | 009981 |
| Book Title | Pathikvaggatthakatha |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 326 |
| Language | Sanskrit |
| Classification | Interfaith & Buddhism |
| File Size | 11 MB |