Page Text
________________
सुनक्खत्तवत्थुवण्णना
सो निय्याति तक्करस्साति सो धम्मो तक्करस्स यथा मया धम्मो देसितो, तथा कारकस्स सम्मा पटिपन्नस्स पुग्गलस्स सब्बवट्टदुक्खक्खयाय अमतनिब्बानसच्छिकिरियाय गच्छति, न गच्छति, संवत्तति, न संवत्ततीति पुच्छति । तत्र सुनक्खत्ताति तस्मिं सुनक्खत्त मया देसिते धम्मे तक्करस्स सम्मा दुक्खक्खयाय संवत्तमाने किं उत्तरिमनुस्सधम्मा इद्धिपाटिहारियं कतं करिस्सति, को तेन कतेन अत्थो । तस्मिहि कतेपि अकतेपि मम सासनस्स परिहानि नस्थि, देवमनुस्सानहि अमतनिब्बानसम्पापनत्थाय अहं पारमियो पूरेसिं, न पाटिहारियकरणत्थायाति पाटिहारियस्स निरत्थकतं दस्सेत्वा “पस्स, मोघपुरिसा"ति दुतियं दोसं आरोपेसि ।
५. अग्गञ्जन्ति लोकपञत्तिं । “इदं नाम लोकस्स अग्ग"न्ति एवं जानितब्बम्पि अग्गं मरियादं न तं पञपेतीति वदति । सेसमेत्थ अनन्तरवादानुसारेनेव वेदितब् ।
६. अनेकपरियायेन खोति इदं कस्मा आरद्धं | सुनक्खत्तो किर “भगवतो गुणं मक्खेस्सामि, “दोसं पञपेस्सामी"ति एत्तकं विप्पलपित्वा भगवतो कथं सुणन्तो अप्पतिट्ठो निरवो अट्ठासि ।
अथ भगवा - "सुनक्खत्त, एवं त्वं मक्खिभावे ठितो सयमेव गरहं पापुणिस्ससी"ति मक्खिभावे आदीनवदस्सनत्थं अनेकपरियायेनातिआदिमाह। तत्थ अनेकपरियायेनाति अनेककारणेन । वज्जिगामेति वज्जिराजानं गामे, वेसालीनगरे नो विसहीति नासक्खि | सो अविसहन्तोति सो सुनक्खत्तो यस्स पुब्बे तिण्णं रतनानं वण्णं कथेन्तस्स मुखं नप्पहोति, सो दानि तेनेव मुखेन अवण्णं कथेति, अद्धा अविसहन्तो असक्कोन्तो ब्रह्मचरियं चरितुं अत्तनो बालताय अवण्णं कथेत्वा हीनायावत्तो । बुद्धो पन सुबुद्धोव, धम्मो स्वाक्खातोव, सङ्घो सुप्पटिपन्नोव । एवं तीणि रतनानि थोमेन्ता मनुस्सा तुम्हेव दोसं दस्सेस्सन्तीति । इति खो तेति एवं खो ते, सुनक्खत्त, वत्तारो भविस्सन्ति । ततो एवं दोसे उप्पन्ने सत्था अतीतानागते अप्पटिहतञाणो, महं एवं दोसो उप्पज्जिस्सतीति जानन्तोपि पुरेतरं न कथेसीति वत्तुं न लच्छसीति दस्सेति । अपक्कमेवाति अपक्कमियेव, अपक्कन्तो वा चुतोति अत्थो। यथा तं आपायिकोति यथा अपाये निब्बत्तनारहो सत्तो अपक्कमेय्य, एवमेव अपक्कमीति अत्थो ।
Jain Education International
For Private & Personal Use Only
www.jainelibrary.org
| SR No. | 009981 |
| Book Title | Pathikvaggatthakatha |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 326 |
| Language | Sanskrit |
| Classification | Interfaith & Buddhism |
| File Size | 11 MB |