________________
२२६
दीघनिकाये पाथिकवग्गट्ठकथा
(११.३५७-३५८)
सत्तधम्मवण्णना ३५७. (अ) सम्मप्पञ्जाय सुदिवा होन्तीति हेतुना नयेन विपस्सनााणेन सुदिवा होन्ति । कामाति वत्थुकामा च किलेसकामा च, द्वेपि सपरिळाहटेन अङ्गारकासु विय सुदिट्ठा होन्ति। विवेकनिन्नन्ति निब्बाननिन्नं । पोणं पन्भारन्ति निन्नस्सेतं वेवचनं । व्यन्तीभूतन्ति नियतिभूतं । नित्तण्हन्ति अत्थो । कुतो ? सब्बसो आसवट्ठानीयेहि धम्मेहि तेभूमकधम्मेहीति अत्थो । इध भावेतब्बपदे मग्गो कथितो। सेसं पुरिमसदिसमेव ।
अट्ठधम्मवण्णना
३५८. (क) आदिब्रह्मचरियिकाय पञआयाति सिक्खत्तयसङ्गहस्स मग्गब्रह्मचरियस्स आदिभूताय पुब्बभागे तरुणसमथविपस्सनापञाय | अट्ठङ्गिकस्स वा मग्गस्स आदिभूताय सम्मादिट्ठिपाय । तिब्बन्ति बलवं। हिरोत्तप्पन्ति हिरी च ओत्तप्पञ्च । पेमन्ति गेहस्सितपेमं। गारवोति गरुचित्तभावो। गरुभावनीयहि उपनिस्साय विहरतो किलेसा नुप्पज्जन्ति ओवादानुसासनिं लभति । तस्मा तं निस्साय विहारो पापटिलाभस्स पच्चयो होति ।
(छ) अक्खणेसु यस्मा पेता असुरानं आवाहनं गच्छन्ति, विवाहनं गच्छन्ति, तस्मा पेत्तिविसयेनेव असुरकायो गहितोति वेदितब्बो ।
(ज) अप्पिछस्साति एत्थ पच्चयअप्पिच्छो, अधिगमअप्पिच्छो, परियत्तिअप्पिच्छो, धुतङ्गअप्पिच्छोति चत्तारो अप्पिच्छा । तत्थ पच्चयअप्पिच्छो बहुं देन्ते अप्पं गण्हाति, अप्पं देन्ते अप्पतरं वा गण्हाति, न वा गण्हाति, न अनवसेसगाही होति । अधिगमअप्पिच्छो मज्झन्तिकत्थेरो विय अत्तनो अधिगमं अञ्जेसं जानितुं न देति । परियत्तिअप्पिच्छो तेपिटकोपि समानो न बहुस्सुतभावं जानापेतुकामो होति साकेततिस्सत्थेरो विय । धुतङ्गअप्पिच्छो धुतङ्गपरिहरणभावं अञ्जेसं जानितुं न देति द्वेभातिकत्थेरेसु जेट्टकत्थेरो विय । वत्थु विसुद्धिमग्गे कथितं । अयं धम्मोति एवं सन्तगुणनिगृहनेन च पच्चयपटिग्गहणे मत्तञ्जताय च अप्पिच्छस्स पुग्गलस्स अयं नवलोकुत्तरधम्मो सम्पज्जति, नो महिच्छस्स । एवं सब्बत्थ योजेतब्बं ।
226
Jain Education International
For Private & Personal Use Only
www.jainelibrary.org
