Page Text
________________
१९८
दीघनिकाये पाथिकवग्गट्ठकथा
(१०.३२५-३२५)
रूपं आरम्मणं कत्वा उप्पन्ना सञ्जा। एतेनुपायेन सेसापि वेदितब्बा। चेतनाछक्केपि एसेव नयो । तथा तण्हाछक्के ।
अगारवोति गारवविरहितो। अप्पतिस्सोति अप्पतिस्सयो अनीचवुत्ति । एत्थ पन यो भिक्खु सत्थरि धरमाने तीसु कालेसु उपट्टानं न याति। सत्थरि अनुपाहने चङ्कमन्ते सउपाहनो चङ्कमति, नीचे चङ्कमन्ते उच्चे चङ्कमति, हेट्ठा वसन्ते उपरि वसति, सत्थुदस्सनट्ठाने उभो अंसे पारुपति, छत्तं धारेति, उपाहनं धारेति, नहायति, उच्चारं वा पस्सावं वा करोति । परिनिब्बुते पन चेतियं वन्दितुं न गच्छति, चेतियस्स पायनट्ठाने सत्थुदस्सनट्ठाने वुत्तं सब्बं करोति, अयं सत्थरि अगारवो नाम । यो पन धम्मस्सवने संघुढे सक्कच्चं न गच्छति, सक्कच्चं धम्मं न सुणाति, समुल्लपन्तो निसीदति, सक्कच्चं न गण्हाति, न वाचेति, अयं धम्मे अगारवो नाम । यो पन थेरेन भिक्खुना अनज्झिट्ठो धम्म देसेति, निसीदति, पहं कथेति, वुड्डे भिक्खू घट्टेन्तो गच्छति, तिट्ठति, निसीदति, दुस्सपल्लत्थिकं वा हत्थपल्लत्थिकं वा करोति, सङ्घमज्झे उभो अंसे पारुपति, छत्तुपाहनं धारेति, अयं सङ्गे अगारवो नाम । एकभिक्खुस्मिम्पि हि अगारवे कते सङ्घ अगारवो कतोव होति । तिस्सो सिक्खा पन अपूरयमानोव सिक्खाय अगारवो नाम । अप्पमादलक्खणं अननुब्रूहयमानो अप्पमादे अगारवो नाम । दुविधम्पि पटिसन्थारं अकरोन्तो पटिसन्थारे अगारवो नाम । छ गारवा वुत्तप्पटिपक्खवसेन वेदितब्बा।
सोमनस्सूपविचाराति सोमनस्ससम्पयुत्ता विचारा। सोमनस्सट्ठानियन्ति सोमनस्सकारणभूतं । उपविचरतीति वितक्केन वितक्केत्वा विचारेन परिच्छिन्दति । एस नयो सब्बत्थ । दोमनस्सूपविचारापि एवमेव वेदितब्बा। तथा उपेक्खपविचारा। सारणीयधम्मा हेट्ठा वित्थारिता । दिहिसामञ्जगतोति इमिना पन पदेन कोसम्बकसुत्ते पठममग्गो कथितो । इध चत्तारोपि मग्गा ।
विवादमूलछक्कवण्णना ३२५. विवादमूलानीति विवादस्स मूलानि । कोधनोति कुज्झनलक्खणेन कोधेन समन्नागतो। उपनाहीति वेरअप्पटिनिस्सग्गलक्खणेन उपनाहेन समन्नागतो। अहिताय दुक्खाय देवमनुस्सानन्ति द्विनं भिक्खूनं विवादो कथं देवमनुस्सानं अहिताय दुक्खाय संवत्तति । कोसम्बकक्खन्धके विय द्वीसु भिक्खूसु विवादं आपन्नेसु तस्मिं विहारे तेसं
198
Jain Education International
For Private & Personal Use Only
www.jainelibrary.org
| SR No. | 009981 |
| Book Title | Pathikvaggatthakatha |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 326 |
| Language | Sanskrit |
| Classification | Interfaith & Buddhism |
| File Size | 11 MB |