Page Text
________________
(९.२८२-२८२)
परित्तपरिकम्मकथा
१३७ .
. परित्तपरिकम्मकथा
इध पन ठत्वा परित्तस्स परिकम्मं कथेतब्बं । पठममेव हि आटानाटियसुत्तं न भणितब्, मेत्तसुत्तं धजग्गसुत्तं रतनसुत्तन्ति इमानि सत्ताहं भणितब्बानि । सचे मुञ्चति, सुन्दरं । नो चे मुञ्चति, आटानाटियसुत्तं भणितब्बं, तं भणन्तेन भिक्खुना पिटुं वा मंसं वा न खादितब्बं, सुसाने न वसितब्बं । कस्मा ? अमनुस्सा ओकासं लभन्ति । परित्तकरणट्ठानं हरितुपलित्तं कारेत्वा तत्थ परिसुद्धं आसनं पञपेत्वा निसीदितब्बं |
परित्तकारको भिक्खु विहारतो घरं नेन्तेहि फलकावुधेहि परिवारेत्वा नेतब्बो। अब्भोकासे निसीदित्वा न वत्तब्बं, द्वारवातपानानि पिदहित्वा निसिन्नेन आवुधहत्थेहि संपरिवारितेन मेत्तचित्तं पुरेचारिकं कत्वा वत्तब्बं । पठमं सिक्खापदानि गाहापेत्वा सीले पतिद्वितस्स परित्तं कातब् । एवम्पि मोचेतुं असक्कोन्तेन विहारं आनेत्वा चेतियङ्गणे निपज्जापेत्वा आसनपूजं कारेत्वा दीपे जालापेत्वा चेतियङ्गणं सम्मज्जित्वा मङ्गलकथा वत्तब्बा। सब्बसन्निपातो. घोसेतब्बो। विहारस्स उपवने जेट्ठकरुक्खो नाम होति, तत्थ भिक्खुसङ्घो तुम्हाकं आगमनं पटिमानेतीति पहिणितब्बं । सब्बसन्निपातट्ठाने अनागन्तुं नाम न लब्भति। ततो अमनुस्सगहितको “त्वं को नामा"ति पुच्छितब्बो। नामे कथिते नामेनेव आलपितब्बो। इत्थन्नाम तुम्हं मालागन्धादीसु पत्ति आसनपूजाय पत्ति पिण्डपाते पत्ति, भिक्खुसङ्घन तुम्हं पण्णाकारत्थाय महामङ्गलकथा वुत्ता, भिक्खुसङ्घ गारवेन एतं मुञ्चाहीति मोचेतब्बो। सचे न मुञ्चति, देवतानं आरोचेतब्बं “तुम्हे जानाथ, अयं अमनुस्सो अम्हाकं वचनं न करोति, मयं बुद्धआणं करिस्सामा''ति परित्तं कातब्बं । एतं ताव गिहीनं परिकम्मं । सचे पन भिक्खु अमनुस्सेन गहितो होति, आसनानि धोवित्वा सब्बसन्निपातं घोसापेत्वा गन्धमालादीसु पत्तिं दत्वा परित्तं भणितब्बं । इदं भिक्खूनं परिकम्म।
विक्कन्दितब्बन्ति सब्बसन्निपातं घोसापेत्वा अट्ठवीसति यक्खसेनापतयो कन्दितब्बा । विरवितब्बन्ति “अयं यक्खो गण्हाती''तिआदीनि भणन्तेन तेहि सद्धिं कथेतब्बं । तत्थ गण्हातीति सरीरे अधिमुच्चति । आविसतीति तस्सेव वेवचनं । अथ वा लग्गति न अपेतीति वुत्तं होति । हेठेतीति उप्पन्नं रोगं वड्डेन्तो बाधति | विहेठेतीति तस्सेव वेवचनं । हिंसतीति अप्पमंसलोहितं करोन्तो दुक्खापेति । विहिंसतीति तस्सेव वेवचनं । न मुञ्चतीति अप्पमादगाहो हुत्वा मुञ्चितुं न इच्छति, एवं एतेसं विरवितब्बं ।
137
Jain Education International
For Private & Personal Use Only
www.jainelibrary.org
| SR No. | 009981 |
| Book Title | Pathikvaggatthakatha |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 326 |
| Language | Sanskrit |
| Classification | Interfaith & Buddhism |
| File Size | 11 MB |