Page Text
________________
१३६
दीघनिकाये पाथिकवग्गट्ठकथा
सद्दो अत्थि । ओट्ठवचित्तकाति “ उट्ठेहि, चित्त, उट्ठेहि चित्ता "ति एवं वस्समाना उट्ठवचित्तकसकुणापि तत्थ विचरन्ति । कुक्कुटकाति वनकुक्कुटका । कुळीरकाति सुवण्णकक्कटका । वनेति पदुमवने । पोक्खरसातकाति पोक्खरसातका नाम सकुणा ।
सुकाळिकसद्देत्थाति सुकानञ्च साळिकानञ्च सद्दो एत्थ । दण्डमाणवकानि चाति मनुस्समुखसकुणा । ते किर द्वीहि हत्थेहि सुवण्णदण्डं गहेत्वा एकं पोक्खरपत्तं अक्कमित्वा अनन्तरे पोक्खरपत्ते सुवण्णदण्डं निक्खिपन्ता विचरन्ति । सोभति सब्बकालं साति सा पोक्खरणी सब्बकालं सोभति । कुबेरनळिनीति कुवेरस्स नळिनी पदुमसरभूता सा धरणी नाम पोक्खरणी सदा निरन्तरं सोभति ।
( ९.२८२ - २८२ )
२८२. यस्स कस्सचीति इदं वेस्सवणो आटानाटियं रक्खं निट्ठपेत्वा तस्सा परिकम्मं दसेतो आह । तत्थ सुग्गहिताति अत्थञ्च ब्यञ्जनञ्च परिसोधेत्वा सुट्टु उग्गहिता । समत्ता परियापुताति पदब्यञ्जनानि अहापेत्वा परिपुण्णं उग्गहिता । अत्थम्पि पाळिम्पि विसंवादेत्वा सब्बसो वा पन अप्पगुणं कत्वा भणन्तस्स हि परित्तं तेजवन्तं न होति, सब्बसो पगुणं कत्वा भणन्तस्सेव तेजवन्तं होति । लाभहेतु उग्गहेत्वा भणन्तस्सापि अत्थं न साधेति, निस्सरणपक्खे ठत्वा मेत्तं पुरेचारिकं कत्वा भणन्तस्सेव अत्थाय होतीति दस्सेति । यक्खपचारोति यक्खपरिचारको ।
1
त्युं बात घरवत्युं वा । वासं बाति तत्थ निबद्धवासं वा । समितिन्ति समागमं । अनावहन्ति न आवाहयुत्तं । अविवय्हन्ति न विवाहयुत्तं । तेन सह आवाहविवाहं न करेय्यन्ति अत्थो । अत्ताहिपि परिपुण्णाहीति “कळारक्खि कळारदन्ता "ति एवं एतेसं अत्तभावं उपनेत्वा वुत्ताहि परिपुण्णब्यञ्जनाहि परिभासाहि परिभासेय्युं यक्खअक्कोसेहि नाम अक्कोसेय्यन्ति अत्थो । रित्तम्पिस्स पत्तन्ति भिक्खूनं पत्तसदिसमेव लोहपत्तं होति । तं सीसे निक्कुज्जितं याव गलवाटका भस्सति । अथ नं मज्झे अयोखीलेन आकोटेन्ति ।
Jain Education International
चण्डाति कोधना । रुद्धाति विरुद्धा । रभसाति करणुत्तरिया । नेव महाराजानं आदियन्तीति वचनं न गण्हन्ति, आणं न करोन्ति । महाराजानं पुरिसकानन्ति अट्ठवीसतियक्खसेनापतीनं । पुरिसकानन्ति यक्खसेनापतीनं ये मनस्सा तेसं । अवरुद्धा नामाति पच्चामित्ता वेरिनो । उज्झापेतब्बन्ति परितं वत्वा अमनुस्से पटिक्कमापेतुं असक्कोन्तेन एतेसं यक्खानं उज्झापेतब्बं, एते जानापेतब्बाति अत्थो ।
136
For Private & Personal Use Only
www.jainelibrary.org
| SR No. | 009981 |
| Book Title | Pathikvaggatthakatha |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 326 |
| Language | Sanskrit |
| Classification | Interfaith & Buddhism |
| File Size | 11 MB |