________________
१२०
दीघनिकाये पाथिकवग्गट्ठकथा
(८.२६०-२६३)
सम्म करोमा'"ति अनुजानाति । कल्याणेपि एसेव नयो । सहायो होतीति "असुकट्ठाने सुरं पिवन्ति, एहि तत्थ गच्छामा"ति वुत्ते साधूति गच्छति । एस नयो सब्बत्थ । इति बिआयाति "मित्तपतिरूपका एते''ति एवं जानित्वा ।
सुहदमित्तादिवण्णना
२६०. एवं न सेवितब्बे पापमित्ते दस्सेत्वा इदानि सेवितब्बे कल्याणमित्ते दस्सेन्तो पुन चत्तारोमे, गहपतिपुत्तातिआदिमाह । तत्थ सुहदाति सुन्दरहदया।
२६१. पमत्तं रक्खतीति मज्जं पिवित्वा गाममज्झे वा गामद्वारे वा मग्गे वा निपन्नं दिस्वा "एवंनिपन्नस्स कोचिदेव निवासनपारुपनम्पि हरेय्या'ति समीपे निसीदित्वा पबुद्धकाले गहेत्वा गच्छति । पमत्तस्स सापतेय्यन्ति सहायो बहिगतो वा होति सुरं पिवित्वा वा पमत्तो, गेहं अनारक्खं “कोचिदेव यंकिञ्चि हरेय्या"ति गेहं पविसित्वा तस्स धनं रक्खति । भीतस्साति किस्मिञ्चिदेव भये उप्पन्ने “मा भायि, मादिसे सहाये ठिते किं भायसी"ति तं भयं हरन्तो पटिसरणं होति । तद्दिगुणं भोगन्ति किच्चकरणीये
ने सहायं अत्तनो सन्तिकं आगतं दिस्वा वदति "कस्मा आगतोसी"ति? राजकले कम्मं अत्थीति । किं लड़े वट्टतीति ? एको कहापणोति । “नगरे कम्मं नाम न एककहापणेन निष्फज्जति, द्वे गण्हाही''ति एवं यत्तकं वदति, ततो दिगुणं देति ।
२६२. गुव्हमस्स आचिक्खतीति अत्तनो गुरहं निगूहितुं युत्तकथं अञस्स अकथेत्वा तस्सेव आचिक्खति । गुप्हमस्स परिगृहतीति तेन कथितं गुहं यथा अञो न जानाति, एवं रक्खति । आपदासु न विजहतीति उप्पन्ने भये न परिच्चजति । जीवितम्पिस्स अत्थायाति अत्तनो जीवितम्पि तस्स सहायस्स अत्थाय परिच्चत्तमेव होति, अत्तनो जीवितं अगणेत्वापि तस्स कम्मं करोतियेव ।
२६३. पापा निवारेतीति अम्हेसु पस्सन्तेसु पस्सन्तेसु त्वं एवं कातुं न लभसि, पञ्च वेरानि दस अकुसलकम्मपथे मा करोहीति निवारेति । कल्याणे निवेसेतीति कल्याणकम्मे तीसु सरणेसु पञ्चसीलेसु दसकुसलकम्मपथेसु वत्तस्सु, दानं देहि पुलं करोहि धम्मं सुणाहीति एवं कल्याणे नियोजेति । अस्तुतं सावेतीति अस्सुतपुब्बं सुखुमं
120
Jain Education International
For Private & Personal Use Only
www.jainelibrary.org
