________________
११८
दीघनिकाये पाथिकवग्गट्ठकथा
(८.२५३-२५३)
सम्मुखावञ्चनाहि वञ्चनिका । साहसिकाति एकागारिकादिसाहसिककम्मकारिनो । त्यास्स मित्ता होन्तीति ते अस्स मित्ता होन्ति । अञ्जेहि सप्पुरिसेहि सद्धिं न रमति गन्धमालादीहि अलङ्करित्वा वरसयनं आरोपितसूकरो गूथकूपमिव, ते पापमित्तेयेव उपसङ्कमति । तस्मा दिढे चेव धम्मे सम्परायञ्च बहु अनत्थं निगच्छति ।
२५३. अतिसीतन्ति कम्मं न करोतीति मनुस्सेहि कालस्सेव वुट्ठाय “एथ भो कम्मन्तं गच्छामा'ति वुत्तो “अतिसीतं ताव, अट्ठीनि भिज्जन्ति विय, गच्छथ तुम्हे पच्छा जानिस्सामी"ति अग्गिं तपन्तो निसीदति । ते गन्त्वा कम्मं करोन्ति । इतरस्स कम्म परिहायति । अतिउण्हन्तिआदीसुपि एसेव नयो।।
होति पानसखा नामाति एकच्चो पानट्ठाने सुरागेहेयेव सहायो होति । "पन्नसखा"तिपि पाठो, अयमेवत्थो। सम्मियसम्मियोति सम्म सम्माति वदन्तो सम्मुखेयेव सहायो होति, परम्मुखे वेरीसदिसो ओतारमेव गवेसति । अत्थेसु जातेसूति तथारूपेसु किच्चेसु समुप्पन्नेसु । वेरप्पसवोति वेरबहुलता। अनत्थताति अनत्थकारिता । सुकदरियताति सुट्ठ कदरियता थद्धमच्छरियभावो । उदकमिव इणं विगाहतीति पासाणो उदकं विय संसीदन्तो इणं विगाहति ।
____ रत्तिनुहानदेस्सिनाति रत्तिं अनुट्ठानसीलेन । अतिसायमिदं अहूति इदं अतिसायं जातन्ति ये एवं वत्वा कम्मं न करोन्ति । इति विस्सलुकम्मन्तेति एवं वत्वा परिच्चत्तकम्मन्ते । अत्था अच्चेन्ति माणवेति एवरूपे पुग्गले अत्था अतिक्कमन्ति, तेसु न तिद्वन्ति।
तिणा भिय्योति तिणतोपि उत्तरि । सो सुखं न विहायतीति सो पुरिसो सुखं न जहाति, सुखसमझीयेव होति । इमिना कथामग्गेन इममत्थं दस्सेति “गिहिभूतेन सता एत्तकं कम्मं न कातब्बं, करोन्तस्स वड्डि नाम नस्थि। इधलोके परलोके गरहमेव पापुणाती"ति ।
118
Jain Education International
For Private & Personal Use Only
www.jainelibrary.org.
