Page Text
________________
(७.२०६-२०७)
आयतपण्हितादितिलक्खणवण्णना
जातिया पुब्बेकतकम्मपटिक्खेपदीपनं। उब्बेगउत्तासभयापनूदनोति उत्तासभयस्स च अपनूदनो । उस्सुकोति अधिमुत्तो ।
उब्बेगभयस्स
च
सतपुञलक्खणन्ति सतेन सतेन पुञकम्मेन निब्बत्तं एकेकं लक्खणं । एवं सन्ते यो कोचि बुद्धो भवेय्याति न रोचयिंसु, अनन्तेसु पन चक्कवाळेसु सब्बे सत्ता एकेकं कम्मं सतक्खत्तुं करेय्युं, एत्तकेहि जनेहि कतं कम्मं बोधिसत्तो एकोव एकेकं सतगुणं कत्वा निब्बत्तो। तस्मा “सतपुञलक्खणो"ति इममत्थं रोचयिंसु । मनुस्सासुरसक्करक्खसाति मनुस्सा च असुरा च सक्का च रक्खसा च ।
आयतपण्हितादितिलक्खणवण्णना २०६. अन्तराति पटिसन्धितो सरसचुतिया अन्तरे | इध कम्मं नाम पाणातिपाता विरति । कम्मसरिक्खकं नाम पाणातिपातं करोन्तो पदसद्दसवनभया अग्गग्गपादेहि अक्कमन्ता गन्त्वा परं पातेन्ति । अथ ते इमिना कारणेन तेसं तं कम्मं जनो जानातूति अन्तोवपादा वा बहिवङ्कपादा वा उक्कुटिकपादा वा अग्गकोण्डा वा पण्हिकोण्डा वा भवन्ति । अग्गपादेहि गन्त्वा परस्स अमारितभावं पन तथागतस्स सदेवको लोको इमिना कारणेन जानातूति आयतपण्हि महापुरिसलक्खणं निब्बत्तति । तथा परं घातेन्ता उन्नतकायेन गच्छन्ता अजे पस्सिस्सन्तीति ओनता गन्त्वा परं घातेन्ति । अथ ते एवमिमे गन्त्वा परं घातयिंसूति नेसं तं कम्मं इमिना कारणेन परो जानातूति खुज्जा वा वामना वा पीठसप्पि वा भवन्ति । तथागतस्स पन एवं गन्त्वा परेसं अघातितभावं इमिना कारणेन सदेवको लोको जानातूति ब्रह्मजुगत्तमहापुरिसलक्खणं निब्बत्तति । तथा परं घातेन्ता आवुधं वा मुग्गरं वा गण्हित्वा मुट्ठिकतहत्था परं घातेन्ति । ते एवं तेसं परस्स घातितभावं इमिना कारणेन जनो जानातूति रस्सङ्गुली वा रस्सहत्था वा वङ्कङ्गुली वा फणहत्थका वा भवन्ति । तथागतस्स पन एवं परेसं अघातितभावं सदेवको लोको इमिना कारणेन जानातूति दीघङ्गुलिमहापुरिसलक्खणं निब्बत्तति । इदमेत्थ कम्मसरिक्खकं। इदमेव पन लक्खणत्तयं लक्खणं नाम । दीघायुकभावो लक्खणानिसंसो।
२०७. मरणवधभयत्तनोति एत्थ मरणसङ्घातो वधो मरणवधो, मरणवधतो भयं मरणवधभयं, तं अत्तनो जानित्वा । पटिविरतो परंमारणायाति यथा मय्हं मरणतो भयं मम
91
Jain Education International
For Private & Personal Use Only
www.jainelibrary.org
| SR No. | 009981 |
| Book Title | Pathikvaggatthakatha |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 326 |
| Language | Sanskrit |
| Classification | Interfaith & Buddhism |
| File Size | 11 MB |