Page Text
________________
९६
( ७.२०५ - २०५)
अम्बपानादिअट्ठविधं पानं अदासि, तम्पि यागुभत्तं दत्वा । वत्थं देन्तो न सुद्धवत्थमेव अदासि, एकपट्टदुपट्टादिपहोनकं पन दत्वा सुचिम्पि अदासि, सुत्तम्पि अदासि, सुत्तं वट्टेसि, सूचिकम्मकरणट्टाने भिक्खूनं आसनानि यागुभत्तं पादमक्खनं, पिट्ठिमक्खनं, रजनं, पण्डुपलासं, रजनदोणिकं, अन्तमसो चीवररजनकं कप्पियकारकम्पि अदासि ।
दीघनिकाये पाथिकवग्गट्ठकथा
यानन्ति उपाहनं । तं ददन्तोपि उपाहनत्थविकं उपाहनदण्डकं मक्खनतेलं हेट्ठा वृत्तानि च अन्नादीनि तस्सेव परिवारं कत्वा अदासि । मालं देन्तोपि न सुद्धमालमेव अदासि, अथ खो नं गन्धेहि मिस्सेत्वा हेट्ठिमानि चत्तारि तस्सेव परिवारं कत्वा अदासि । बोधिचेतियआसनपोत्थकादिपूजनत्थाय चेव चेतियघरधूपनत्थाय च गन्धं देन्तोपि न सुद्धगन्धमेव अदासि, गन्धपिसनकनिसदाय चेव पक्खिपनकभाजनेन च सद्धिं हेट्ठिमानि पञ्च तस्स परिवारं कत्वा अदासि । चेतियपूजादीनं अत्थाय हरितालमनोसिलाचीनपिट्ठादिविलेपनं देन्तोपि न सुद्धविलेपनमेव अदासि विलेपनभाजनेन सद्धिं हेट्ठिमानि छ तस्स परिवारं कत्वा अदासि । सेय्याति मञ्चपीठं । तं देन्तोपि न अदासि, सुद्ध कोजवकम्बलपच्चत्थरणमञ्चप्पटिपादकेहि सद्धिं अन्तमसो मङ्गुलसोधनदण्डकं हेट्टिमानि च सत्त तस्स परिवारं कत्वा अदासि । आवसथं देन्तोपि न गेहमत्तमेव अदासि, अथ खो नं मालाकम्मलताकम्मपटिमण्डितं सुपञ्ञत्तं मञ्चपीठं कारेत्वा हेट्ठिमानि अट्ठ तस्स परिवारं कत्वा अदासि । पदीपेय्यन्ति पदीपतेलं । तं देन्तो चेतियङ्गणे बोधियङ्गणे धम्मस्सवनग्गे वसनगेहे पोत्थकवाचनट्ठाने इमिना दीपं जालापेथाति न सुद्धतेलमेव अदासि, वट्टि कपल्लकतेलभाजनादीहि सद्धिं हेट्ठिमानि नव तस्स परिवारं कत्वा अदासि । सुविभत्तन्तरानीति सुविभत्त अन्तरानि ।
राजानोति अभिसित्ता। भोगियाति भोजका कुमाराति राजकुमारा । इध कम्मं नाम सपरिवारं दानं । कम्मसरिक्खकं नाम सपरिवारं कत्वा दानं अदासीति इमिना कारणेन सदेवको लोको जानातूति निब्बत्तं चक्कलक्खणं । लक्खणं नाम तदेव चक्कलक्खणं । आनिसंसो महापरिवारता ।
२०५. तत्थेतं वुच्चतीति इमा तदत्थपरिदीपना गाथा वुच्चन्ति । दुविधा हि गाथा होन्ति - तदत्थपरिदीपना च विसेसत्थपरिदीपना च । तत्थ पाळिआगतमेव अत्थं परिदीपना तदत्थपरिदीपना नाम । पाळियं अनागतं परिदीपना विसेसत्थपरिदीपना नाम । इमा पन तदत्थपरिदीपना । तत्थ पुरेति पुब्बे । पुरस्थाति तस्सेव वेवचनं । पुरिमासु जातीसूति इमिस्सा
Jain Education International
96
For Private & Personal Use Only
www.jainelibrary.org
| SR No. | 009981 |
| Book Title | Pathikvaggatthakatha |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 326 |
| Language | Sanskrit |
| Classification | Interfaith & Buddhism |
| File Size | 11 MB |