________________
७. लक्खणसुत्तवण्णना
द्वत्तिंसमहापुरिसलक्खणवण्णना १९९. एवं मे सुतन्ति लक्खणसुत्तं । तत्रायमनुत्तानपदवण्णना। द्वत्तिसिमानीति द्वत्तिंस इमानि | महापुरिसलक्खणानीति महापुरिसब्यञ्जनानि महापुरिसनिमित्तानि “अयं महापुरिसो"ति सञ्जाननकारणानि । “येहि समन्नागतस्स महापुरिसस्सा"तिआदि महापदाने वित्थारितनयेनेव वेदितब् ।
"बाहिरकापि इसयो धारेन्ति, नो च खो जानन्ति 'इमस्स कम्मस्स कतत्ता इमं लक्खणं पटिलभती'ति" कस्मा आह ? अटुप्पत्तिया अनुरूपत्ता। इदहि सुत्तं सअटुप्पत्तिकं । सा पनस्स अटुप्पत्ति कत्थ समुट्ठिता ? अन्तोगामे मनुस्सानं अन्तरे । तदा किर सावत्थिवासिनो अत्तनो अत्तनो गेहेसु च गेहद्वारेसु च सन्थागारादीसु च निसीदित्वा कथं समुट्ठापेसुं- "भगवतो असीतिअनुब्यञ्जनानि ब्यामप्पभा द्वत्तिंसमहापुरिसलक्खणानि, येहि च भगवतो कायो, सब्बफालिफुल्लो विय पारिच्छत्तको, विकसितमिव कमलवनं, नानारतनविचित्तं विय सुवण्णतोरणं, तारामरिचिविरोचमिव गगनतलं, इतो चितो च विधावमाना विप्फन्दमाना छब्बण्णरस्मियो मुञ्चन्तो अतिविय सोभति । भगवतो च इमिना नाम कम्मेन इदं लक्खणं निब्बत्तन्ति कथितं नत्थि, यागुउळुङ्कमत्तम्पि पन कटच्छुभत्तमत्तं वा पुब्बे दिन्नपच्चया एवं उप्पज्जतीति भगवता वुत्तं । किं नु खो सत्था कम्मं अकासि, येनस्स इमानि लक्खणानि निब्बत्तन्ती''ति ।
अथायस्मा आनन्दो अन्तोगामे चरन्तो इमं कथासल्लापं सुत्वा कतभत्तकिच्चो विहारं आगन्त्वा सत्थु वत्तं कत्वा वन्दित्वा ठितो "मया, भन्ते, अन्तोगामे एका कथा सुता'"ति आह । ततो भगवता "किं ते, आनन्द, सुत"न्ति वुत्ते सब्बं आरोचेसि । सत्था थेरस्स
91
Jain Education International
For Private & Personal Use Only
www.jainelibrary.org
