________________
६. पासादिकसुत्तवण्णना
निगण्ठनाटपुत्तकालङ्किरियवण्णना १६४. एवं मे सुतन्ति पासादिकसुत्तं । तत्रायमनुत्तानपदवण्णना- वेधञा नाम सक्याति धनुम्हि कतसिक्खा वेधञनामका एके सक्या । तेसं अम्बवने पासादेति तेसं अम्बवने सिप्पं उग्गण्हत्थाय कतो दीघपासादो अस्थि, तत्थ विहरति । अधुना कालत्तोति सम्पति कालङ्कतो। वेधिकजाताति द्वेज्झजाता, द्वेभागा जाता। भण्डनादीसु भण्डनं पुब्बभागकलहो, तं दण्डादानादिवसेन पण्णत्तिवीतिक्कमवसेन च वड्डितं कलहो। “न त्वं इमं धम्मविनयं आजानासी"तिआदिना नयेन विरुद्धवचनं विवादो। वितुदन्ताति विज्झन्ता । सहितं मेति मम वचनं अत्थसहितं । अधिचिण्णं ते विपरावत्तन्ति यं तव अधिचिण्णं चिरकालासेवनवसेन पगुणं, तं मम वादं आगम्म निवत्तं । आरोपितो ते वादोति तुम्हं उपरि मया दोसो आरोपितो | चर वादप्पमोक्खायाति भत्तपुटं आदाय तं तं उपसङ्कमित्वा वादप्पमोक्खत्थाय उत्तरि परियेसमानो विचर । निब्बेठेहि वाति अथ वा मया आरोपितदोसतो अत्तानं मोचेहि। सचे पहोसीति सचे सक्कोसि । वधोयेवाति मरणमेव । नाटपुत्तियेसूति नाटपुत्तस्स अन्तेवासिकेसु । निम्बिनरूपाति उक्कण्ठितसभावा अभिवादनादीनिपि न करोन्ति। विरत्तरूपाति विगतपेमा। पटिवानरूपाति तेसं सक्कच्चकिरियतो निवत्तनसभावा । यथा तन्ति यथा दुरक्खातादिसभावे धम्मविनये निब्बिन्नविरत्तप्पटिवानरूपेहि भवितब्द, तथैव जाताति अत्थो । दुरक्खातेति दुक्कथिते । दुष्पवेदितेति दुविज्ञापिते । अनुपसमसंवत्तनिकेति रागादीनं उपसमं कातुं असमत्थे । भिन्न)पेति भिन्दप्पतिढे । एत्थ हि नाटपुत्तोव नेसं पतिद्वेन थूपो । सो पन भिन्नो मतो । तेन वुत्तं “भिन्नथूपे'ति । अप्पटिसरणेति तस्सेव अभावेन पटिसरणविरहिते ।
ननु चायं नाटपुत्तो नाळन्दवासिको, सो कस्मा पावायं कालङ्कतोति ? सो किर
Jain Education International
For Private & Personal Use Only
www.jainelibrary.org
