Page Text
________________
दीघनिकाये महावग्गट्टकथा
(१.८५-८५)
भोजेय्यन्ति । सा तं आह - “अम्म, मा चिन्तयि, अहं तथा करिस्सामि यथा बुद्धप्पमुखो भिक्खुसङ्घो पठमं अम्हाकं भिक्खं परिभुञ्जिस्सती"ति । ततो सतसहस्सग्घनिकाय सवण्णपातिया निरुदकपायासस्स परेत्वा सप्पिमधसक्करादीहि अभिसङ्खरित्वा अञआय पातिया पटिकुज्जित्वा तं सुमनमालागुळेहि परिक्खिपित्वा मालागुळसदिसं कत्वा भगवतो गामं पविसनवेलाय सयमेव उक्खिपित्वा दासिगणपरिवुता नगरा निक्खमि । अन्तरामग्गे सेनापतिउपट्टाका – “अम्म, मा इतो अगमा"ति वदन्ति । महापुञा नाम मनापकथा होन्ति, न च तेसं पुनप्पुनं भणन्तानं कथा पटिक्खिपितुं सक्का होति । सा- "चूळपिता महापिता मातुला किस्स तुम्हे गन्तुं न देथा''ति आह । सेनापतिना – “अञस्स कस्सचि खादनीयभोजनीयं दातुं मा देथा"ति ठपितम्ह अम्माति । किं पन मे हत्थे खादनीयं भोजनीयं पस्सथाति ? मालागुळं पस्सामाति । किं तुम्हाकं सेनापति मालागुळपूजम्पि कातुं न देतीति ? देति, अम्माति । तेन हि, अपेथ, अपेथाति भगवन्तं उपसङ्कमित्वा मालागुळं गण्हापेथ भगवाति आह | भगवा एकं सेनापतिस्सुपट्ठाकं
ओलोकेत्वा मालागुळं गण्हापेसि । सा भगवन्तं वन्दित्वा -- "भगवा, भवाभवे निब्बत्तियं मे सति परितस्सनजीवितं नाम मा होतु, अयं सुमनमाला विय निब्बत्तनिब्बत्तहाने पियाव होमि, नामेन च सुमना येवा''ति पत्थनं कत्वा सत्थारा- “सुखिनी होही''ति वुत्ता वन्दित्वा पदक्खिणं कत्वा पक्कामि ।
भगवा सेनापतिस्स गेहं गन्वा पञ्जत्तासने निसीदि। सेनापति यागु गहेत्वा उपगञ्छि, सत्था पत्तं पिदहि । निसिन्नो, भन्ते, भिक्खुसङ्घोति । अस्थि नो एको अन्तरा पिण्डपातो लद्धोति । सो मालं अपनेत्वा पिण्डपातं अद्दस | चूळुपट्ठाको आह - “सामि, मालाति मं वत्वा मातुगामो वञ्चेसी''ति । पायासो भगवन्तं आदि कत्वा सब्बेसं भिक्खूनं पहोति । सेनापतिपि अत्तनो देय्यधम्मं अदासि । सत्था भत्तकिच्चं कत्वा मङ्गलं वत्वा पक्कामि । सेनापति - "का नाम सा पिण्डपातमदासी''ति पुच्छि! सेट्ठिधीता, सामीति । सप्पञा सा इत्थी, एवरूपाय घरे वसन्तिया पुरिसस्स सग्गसम्पत्ति नाम न दुल्लभाति तं आनेत्वा जेट्टिकट्ठाने ठपेसि ।
पुनदिवसे नागरा दानमदंसु, पुनदिवसे राजाति एकन्तरिकाय दानं दातुं आरभिंसु । राजापि चरपुरिसे ठपेत्वा नागरेहि दिन्नदानतो अतिरेकतरं देति, नागरापि तथैव कत्वा रञा दिन्नदानतो अतिरेकतरं। राजगेहे नाटकित्थियो दहरसामणेरे वदन्ति- "गण्हथ, ताता, न गहपतिकानं गत्तवत्थादीसु पुञ्छित्वा बाळदारकानं खेळसिङ्घाणिकादिधोवनहत्थेहि
Jain Education International
For Private & Personal Use Only
www.jainelibrary.org
| SR No. | 009980 |
| Book Title | Mahavaggatthakatha |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 466 |
| Language | Sanskrit |
| Classification | Interfaith & Buddhism |
| File Size | 20 MB |