________________
४८
दीघनिकाये महावग्गट्ठकथा
(१.६३-६३)
निरुज्झमानेहि आसवसङ्घातेहि किलेसेहि अनुपादाय अग्गहेत्वाव चित्तं विमुच्चति, तदेतं मग्गक्खणे विमुच्चति नाम, फलक्खणे विमुत्तं नाम; मग्गक्खणे वा विमुत्तञ्चेव विमुच्चति च, फलक्खणे विमुत्तमेव |
एत्तावता च महापुरिसो सब्बबन्धना विप्पमुत्तो सूरियरस्मिसम्फुट्ठमिव पदुमं सुविकसितचित्तसन्तानो चत्तारि मग्गजाणानि, चत्तारि फलाणानि, चतस्सो पटिसम्भिदा, चतुयोनिपरिच्छेदकआणं, पञ्चगतिपरिच्छेदकजाणं, छ असाधारणञाणानि, सकले च बुद्धगुणे हत्थगते कत्वा परिपुण्णसङ्कप्पो बोधिपल्लङ्के निसिन्नोव -
"अनेकजातिसंसार, सन्धाविस्सं अनिब्बिसं । गहकारं गवेसन्तो, दुक्खा जाति पुनप्पुनं ।।
गहकारक दिट्ठोसि, पुन गेहं न काहसि । सब्बा ते फासुका भग्गा, गहकूटं विसङ्घतं । विसङ्घारगतं चित्तं, तण्हानं खयमज्झगा''ति ।। (ध० प० १५३, १५४)
"अयोधनहतस्सेव, जलतो जातवेदसो | अनुपुब्बूपसन्तस्स, यथा न आयते गति ।।
एवं सम्माविमुत्तानं, कामबन्धोघतारिनं । पञ्जापेतुं गति नत्थि, पत्तानं अचलं सुख'"न्ति ।। (उदा० ८०)
एवं मनसि करोन्तो सरदे सूरियो विय, पुण्णचन्दो विय च विरोचित्थाति ।
दुतियभाणवारवण्णना निहिता।
48
Jain Education International
For Private & Personal Use Only
www.jainelibrary.org
