Page Text
________________
(१.११-११)
उपट्ठाकपरिच्छेदवण्णना
सागतो, एकदा मेघियो । तत्थ एकदा भगवा नागसमालत्थेरेन सद्धिं अद्धानमग्गपटिपन्नो वेधापथं पत्तो । थेरो मग्गा ओक्कम्म- "भगवा, अहं इमिना मग्गेन गच्छामी"ति आह । अथ नं भगवा - “एहि भिक्खु, इमिना मग्गेन गच्छामा''ति आह । सो- “हन्द, भगवा, तुम्हाकं पत्तचीवरं गण्हथ, अहं इमिना मग्गेन गच्छामी''ति वत्वा पत्तचीवरं छमायं ठपेतुं आरद्धो। अथ नं भगवा - “आहर, भिक्खू"ति वत्वा पत्तचीवरं गहेत्वा गतो। तस्सपि भिक्खुनो इतरेन मग्गेन गच्छतो चोरा पत्तचीवरञ्चेव हरिंसु, सीसञ्च भिन्दिंसु । सो- "भगवा इदानि मे पटिसरणं, न अञ्जो''ति चिन्तेत्वा लोहितेन गळितेन भगवतो सन्तिकं अगमासि । “किमिदं भिक्खू''ति च वुत्ते तं पवत्तिं आरोचेसि | अथ नं भगवा -- “मा चिन्तयि, भिक्खु, एतंयेव ते कारणं सल्लक्खेत्वा निवारयिम्हा"ति वत्वा नं समस्सासेसि ।
एकदा पन भगवा मेघियत्थेरेन सद्धिं पाचीनवंसमिगदाये जन्तुगामं अगमासि । तत्रापि मेघियो जन्तुगामे पिण्डाय चरित्वा नदीतीरे पासादिकं अम्बवनं दिस्वा"भगवा, तुम्हाकं पत्तचीवरं गण्हथ, अहं तस्मिं अम्बवने समणधम्मं करोमी"ति वत्वा भगवता तिक्खत्तुं निवारियमानोपि गन्त्वा अकुसलवितक्केहि उपद्दुतो अन्वासत्तो (अ० नि० ३.९.३; उदान परिच्छेदो ३१ दट्टब्बो)। पच्चागन्त्वा तं पवत्तिं आरोचेसि । तम्पि भगवा- "इदमेव ते कारणं सल्लक्खेत्वा निवारयिम्हा"ति वत्वा अनुपुब्बेन सावत्थिं अगमासि । तत्थ गन्धकुटिपरिवेणे पञत्तवरबुद्धासने निसिन्नो भिक्खुसङ्घपरिवुतो भिक्खू आमन्तेसि -- “भिक्खवे, इदानिम्हि महल्लको, 'एकच्चे भिक्खू इमिना मग्गेन गच्छामा'ति वुत्ते अञ्जेन गच्छन्ति, एकच्चे मय्हं पत्तचीवरं निक्खिपन्ति, मय्हं निबद्धपट्ठाकं एकं भिक्खुं जानाथा"ति । भिक्खून धम्मसंवेगो उदपादि । अथायस्मा सारिपुत्तो उट्ठायासना भगवन्तं वन्दित्वा- “अहं, भन्ते, तुम्हेयेव पत्थयमानो सतसहस्सकप्पाधिकं असङ्ख्येय्यं पारमियो पूरयिं, ननु मादिसो महापञो उपट्ठाको नाम वट्टति, अहं उपट्टहिस्सामी''ति आह । तं भगवा - “अलं सारिपुत्त, यस्सं दिसायं त्वं विहरसि, असुझायेव मे सा दिसा, तव ओवादो बुद्धानं ओवादसदिसो, न मे तया उपट्ठाककिच्चं अत्थी''ति पटिक्खिपि । एतेनेवुपायेन महामोग्गल्लानं आदि कत्वा असीतिमहासावका उट्ठहिंसु । ते सब्बेपि भगवा पटिक्खिपि ।
आनन्दत्थेरो पन तुण्हीयेव निसीदि । अथ नं भिक्खू एवमाहंसु-- “आवुसो, आनन्द, भिक्खुसङ्घो उपट्टाकट्ठानं याचति, त्वम्पि याचाही''ति । सो आह - “याचित्वा
11
Jain Education International
For Private & Personal Use Only
www.jainelibrary.org
| SR No. | 009980 |
| Book Title | Mahavaggatthakatha |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 466 |
| Language | Sanskrit |
| Classification | Interfaith & Buddhism |
| File Size | 20 MB |