Page Text
________________
दीघनिकाये महावग्गट्ठकथा
च। तेसु तिस्सो पञ्ञापारमिं पत्तो, भारद्वाजो समाधिपारमिं पत्तो अहोसि । सारिपुत्तमोग्गल्लानन्ति सारिपुत्तो च मोग्गल्लानो च । तेसु सारिपुत्तो पञ्ञविसये, मोग्गल्लानो समाधिविसये अग्गो अहोसि । अयं सावकयुगपरिच्छेदो नाम ।
सावकसन्निपातपरिच्छेदवण्णना
१०. सावकसन्निपातपरिच्छेदे विपस्सिस्स भगवतो पठमसन्निपातो चतुरङ्गिको अहोसि, सब्बे एहिभिक्खू, सब्बे इद्धिया निब्बत्तपत्तचीवरा, सब्बे अनामन्तिताव आगता, इति ते च खो पन्नरसे उपोसथदिवसे । अथ सत्था बीजनिं गत्वा निसिन्नो उपोसथं ओसारेसि । दुतियततियेसुपि एसेव नयो । तथा सेसबुद्धानं सब्बसन्निपातेसु । यस्मा पन अम्हाकं भगवतो पठमबोधियाव सन्निपातो अहोसि, इदञ्च सुत्तं अपरभागे वुत्तं, तस्मा " मय्हं, भिक्खवे, एतरहि एको सावकानं सन्निपातो ति अनिट्टपेत्वा “ अहोसी "ति वृत्तं ।
१०
तत्थ अढळसानि भिक्खुसतानीति पुराणजटिलानं सहस्सं, द्विन्नं अग्गसावकानं परिवारानि अड्ढतेय्यसतानीति अड्डतेळसानि भिक्खुसतानि । तत्थ द्विन्नं अग्गसावकानं अभिनीहारतो पट्ठाय वत्युं कथेत्वा पब्बज्जा दीपेतब्बा । पब्बजितानं पन तेसं महामोग्गल्लानो सत्तमे दिवसे अरहत्तं पत्तो धम्मसेनापति पन्नरसमे दिवसे गिज्झकूटपब्बतमज्झे सूकरखतलेणपब्भारे भागिनेय्यस्स दीघनखपरिब्बाजकस्स सज्जिते धम्मयागे वेदनापरिग्गहसुत्तन्ते (म० नि० २.२०१) देसियमाने देसनं अनुबुज्झमानं आणं पेसेत्वा सावकपारमिञाणं पत्तो । भगवा थेरस्स अरहत्तप्पत्तिं जत्वा वेहासं अब्भुग्गन्त्वा वेळुवनेयेव पच्चट्ठासि । थेरो– “कुहिं नु खो भगवा गतो 'ति आवज्जन्तो वेळुवने पतिट्टितभावं ञत्वा सयम्पि वेहासं अब्भुग्गन्त्वा वेळुवनेयेव पच्चुट्टासि । अथ भगवा पातिमोक्खं ओसारेसि । तं सन्निपातं सन्धाय भगवा- “अड्ढतेळसानि भिक्खुसतानी" ति आह । अयं सावकसन्निपातपरिच्छेदो नाम ।
उपट्टाकपरिच्छेदवण्णना
११. उपट्टाकपरिच्छेदे पन आनन्दोति निबद्धपट्ठाकभावं सन्धाय वृत्तं । भगवतो हि पठमबोधियं अनिबद्धा उपट्टाका अहेसुं | एकदा नागसमालो पत्तचीवरं गत्वा विचरि, एकदा नागितो, एकदा उपवानो, एकदा सुनक्खत्तो, एकदा चुन्दो समणुद्देसो, एकदा
Jain Education International
( १.१०-११)
10
For Private & Personal Use Only
www.jainelibrary.org
| SR No. | 009980 |
| Book Title | Mahavaggatthakatha |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 466 |
| Language | Sanskrit |
| Classification | Interfaith & Buddhism |
| File Size | 20 MB |