________________
३२०
( ९.३७५ - ३७५ )
यावदेवाति पयोजनपरिच्छेदववत्थापनमेतं । इदं वुत्तं होति - या सा सति पच्चुपट्ठिता होति सा न अञ्ञदत्थाय । अथ खो यावदेव आणमत्ताय अपरापरं उत्तरुत्तरि आणपमाणत्थाय चेव सतिपमाणत्थाय च सतिसम्पञ्जनं वुड्डत्थायाति अत्थो । अनिस्सितो च विहरतीति तण्हानिस्सयदिट्ठिनिस्सयानं वसेन अनिस्सितोव विहरति । न च किञ्चि लोके उपादियतीति लोकस्मिं किञ्चि रूपं वा... पे०... विञ्ञाणं वा " अयं मे अत्ता वा अत्तनियं वा "ति न गण्हाति । एवम्पीति उपरि अत्थं उपादाय सपिण्डनत्थो पि-कारो । इमिना पन पदेन भगवा आनापानपब्बदेसनं निय्यातेत्वा दस्सेति ।
दीघनिकाये महावग्गट्ठकथा
तत्थ अस्सासपस्सासपरिग्गाहिका सति दुक्खसच्चं, तस्सा समुट्ठापिका पुरिमतहा समुदयसच्चं उभिन्नं अप्पवत्ति निरोधसच्चं, दुक्खपरिजाननो समुदयपजहनो निरोधारम्मणो अरियमग्गो मग्गसच्चं । एवं चतुसच्चवसेन उस्सक्कित्वा निब्बुतिं पापुणातीति इदमेकस्स अस्सासपस्सासवसेन अभिनिविट्ठस्स भिक्खुनो याव अरहत्ता निय्यानमुखन्ति ।
आनापानपब्बं निट्ठितं ।
इरियापथपब्बवण्णना
३७५. एवं अस्सासपस्सासवसेन कायानुपस्सनं विभजित्वा इदानि इरियापथवसेन विभजितुं पुन चपरन्तिआदिमाह । तत्थ कामं सोणसिङ्गालादयोपि गच्छन्ता " गच्छामा 'ति जानन्ति, न पनेतं एवरूपं जाननं सन्धाय वुत्तं । एवरूपहि जाननं सत्तूपलद्धिं न पजहति, अत्तसञ्जं न उग्घाटेति, कम्मट्ठानं वा सतिपट्ठानभावना वा न होति । इमस्स पन भिक्खुनो जाननं सत्तूपलद्धिं पजहति, अत्तसञ्ञ उग्घाटेति कम्मट्ठानञ्चेव सतिपट्ठानभावना च होति । इदञ्हि " को गच्छति, कस्स गमनं, किं कारणा गच्छतीति एवं सम्पजाननं सन्धाय वृत्तं । ठानादीसुपि एसेव नयो ।
तत्थ को गच्छतीति ? न कोचि सत्तो वा पुग्गलो वा गच्छति । कस्स गमनन्ति ? न क्रस्सचि सत्तस्स वा पुग्गलस्स वागमनं । किं कारणा गच्छतीति ? चित्तकिरियवायोधातुविप्फारेन गच्छति । तस्मा एस एवं पजानाति - " गच्छामीति चित्तं
Jain Education International
320
For Private & Personal Use Only
www.jainelibrary.org
