Page Text
________________
( ८.३६४-३६४)
पातिमोक्खसंवरवण्णना
सोतापत्तिफलं पत्तो । बुद्धानञ्हि अज्झासयो हीनो न होति, उक्कट्ठोव होति । एकस्सपि बहूनम्पि धम्मं देसेन्ता अरहत्तेनेव कूटं गण्हन्ति । सत्ता पन अत्तनो अनुरूपे उपनिस्सये ठिता केचि सोतापन्ना होन्ति, केचि सकदागामी, केचि अनागामी, केचि अरहन्तो । राजा विय हि भगवा, राजकुमारा विय वेनेय्या । यथा हि राजा भोजनकाले अत्तनो पमाणेन पिण्डं उद्धरित्वा राजकुमारानं उपनेति, ते ततो अत्तनो मुखप्पमाणेनेव कबळं करोन्ति, एवं भगवा अत्तज्झासयानुरूपाय देसनाय अरहत्तेनेव कूटं गण्हाति । वेनेय्या अत्तनो उपनिस्सयप्पमाणेन ततो सोतापत्तिफलमत्तं वा सकदागामि अनागामिअरहत्तफलमेव वा गण्हन्ति। सक्को पन सोतापन्नो जातो । सोतापन्नो च हुत्वा भगवतो पुरतोयेव चवित्वा तरुणसक्को हुत्वा निब्बत्ति, देवतानहि चवमानानं अत्तभावस्स गतागतट्ठानं नाम न पञ्ञयति, दीपसिखागमनं विय होति । तस्मा सेसदेवता न जानिंसु । सक्को पन सयं चुतत्ता भगवा च अप्पटिहतत्राणत्ता द्वेव जना जानिंसु । अथ सक्को चिन्तेसि " मय्हव्हि भगवता तीसु ठानेसु निब्बत्तितफलमेव कथितं, अयञ्च पन मग्गो वा फलं वा सकुणिकाय विय उप्पतित्वा गहेतुं न सक्का, आगमनीयपुब्बभागपटिपदाय अस्स भवितब्बं । हन्दाहं उपरि खीणासवस्स पुब्बभागपटिपदं पुच्छामी 'ति ।
पातिमोक्खसंवरवण्णना
३६४. ततो तं पुच्छन्तो कथं पटिपन्नो पन, मारिसाति आदिमाह । तत्थ पातिमोक्खसंवरायाति उत्तमजेट्ठकसीलसंवराय । कायसमाचारम्पीतिआदि सेवितब्बकायसमाचारादिवसेन पातिमोक्खसंवरदस्सनत्थं वृत्तं । सीलकथा च नामेसा कम्मपथवसेन वा पण्णत्तिवसेन वा कथेतब्बा होति ।
तत्थ
कन्न
ताव
कथेतब्बो ।
कम्मपथवसेन असेवितब्बकायसमाचारो पाणातिपातअदिन्नादानमिच्छाचारेहि पण्णत्तवसेन कथेन्तेन कायद्वारे पञ्ञत्तसिक्खापदवीतिक्कमवसेन कथेतब्बो । सेवितब्बकायसमाचारो पाणातिपातादिवेरमणीहि चैव कायद्वारे पञ्ञत्तसिक्खापदअवीतिक्कमेन च कथेतब्बो | असेवितब्बवचीसमाचारो मुसावादादिवचीदुच्चरितेन चेव वचीद्वारे पञ्ञत्तसिक्खापदवीतिक्कमेन च कथेतब्बो | सेवितब्बवचीसमाचारो मुसावादादिवेरमणीहि चेव वचीद्वारे पञ्ञत्तसिक्खापदअवीतिक्कमेन च कथेतब्बो ।
Jain Education International
२९१
291
For Private & Personal Use Only
www.jainelibrary.org
| SR No. | 009980 |
| Book Title | Mahavaggatthakatha |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 466 |
| Language | Sanskrit |
| Classification | Interfaith & Buddhism |
| File Size | 20 MB |