________________
२५२
दीघनिकाये महावग्गट्ठकथा
“पनादो ओपमञ्ञो च, देवसुतो च मातलि । चित्तसेनो च गन्धब्बो, नळो राजा जनेसभो । आगुं पञ्चसिखो चेव, तिम्बरू सूरियवच्छसा'ति । । -
इमे देवराजानो । तत्थ देवसुतोति देवसारथि । चित्तसेनोति चित्तो च सेनो च चित्तसेनो च । गन्धब्बोति अयं चित्तसेनो गन्धब्बकायिको देवपुत्तो, न केवलं चेस, सब्बे पेते पनादादयो गन्धब्बा एव । नळोराजाति नळकारदेवपुत्तो नामेको । जनेस भोति जनवसभो देवपुत्तो । आगुं पञ्चसिखो चेवाति पञ्चसिखो चेव देवपुत्ती आगतो । तिम्बति तम्ब नाम गन्धब्बदेवराजा । सूरियवच्छसाति तस्सेव धीता ।
एते चञ्ञे च राजानो, गन्धब्बा सह राजुभीति एते च नामवसेन वुत्तगन्धब्बराजानो अञ्ञे च एतेहि राजूहि सद्धिं बहू गन्धब्बा । मोदमाना अभिक्कामुं भिक्खूनं समितिं वनन्ति तुचित्ता भिक्खुसङ्घसमितिं इमं वनं आगताति अत्थो ।
( ७.३३८-३३८)
३३८. अथागुं नागसा नागा, वेसाला सहतच्छकाति नागसदहवासिका च वेसालीवासिका च नागा सह तच्छकनागपरिसाय आगताति अत्थो । कम्बलस्सतराति कम्बलो च अस्सतरो च । एते किर सिनेरुपादे वसन्ति, सुपण्णेहिपि अनुद्धरणीया महेसक्खनागा पायागा सह जातिभीति पयागतित्थवासिनो च सह जातिसङ्खेन आगता ।
Jain Education International
यामुना धतरट्ठा चाति यमुनवासिनो च धतरट्ठकुले उप्पन्ना नागा च । एरावणो महानागोति एरावणो च देवपुत्तो, जातिया नागो न होति । नागवोहारेन पनेस वोहरियति । सोपागाति सोपि आगतो ।
ये नागराजे सहसा हरन्तीति ये इमे वुत्तप्पकारे नागे लोभाभिभूता साहसं कत्वा हरन्ति गण्हन्ति । दिब्बा दिजा पक्खी विसुद्धचक्खूति दिब्बानुभावतो दिब्बा मातुकुच्छितो च अण्डकोसतो चाति द्वे वारे जाताति दिजा पक्खयुत्तताय पक्खी योजनसतन्तरेपि योजनसहस्सन्तरेपि नागे दस्सनसमत्थचक्खुताय विसुद्धचक्खू । वेहायसा ते वनमज्झप्पत्ताति ते आकासेनेव इमं महावनं सम्पत्ता । चित्रा सुपण्णा इति तेस नामन्ति तेसं " चित्रसुपण्णा' 'ति नामं ।
252
For Private & Personal Use Only
www.jainelibrary.org
