Page Text
________________
२४०
दीघनिकाये महावग्गट्ठकथा
(७.३३१-३३१)
बद्धाघातो सकलम्पि इमं कप्पं अनुप्पत्तोयेवा"ति वत्वा फन्दनजातकं कथेसि । ततो "परपत्तियेन नाम महाराजा न भवितब्बं । परपत्तिया हुत्वा हि एकस्स ससकस्स कथाय तियोजनसहस्सविस्थते हिमवन्ते चतुप्पदगणा महासमुदं पक्खन्दिनो अहेसुं। तस्मा परपत्तियेन न भवितब्बन्ति वत्वा पथवीउन्द्रियजातकं कथेसि । ततो- “कदाचि, महाराजा, दुब्बलोपि महब्बलस्स रन्धं विवरं पस्सति, कदाचि महब्बलो दुब्बलस्स | लटुकिकापि हि सकुणिका हत्थिनागं घातेसी"ति वत्वा लटुकिकजातकं कथेसि । एवं कलहवूपसमत्थाय तीणि जातकानि कथेत्वा सामग्गिपरिदीपनत्थाय द्वे जातकानि कथेसि । कथं ? समग्गानहि महाराजा कोचि ओतारं नाम पस्सितुं न सक्कोतीति वत्वा रुक्खधम्मजातकं कथेसि । ततो “समग्गानं महाराजा कोचि विवरं पस्सितुं नासक्खि । यदा पन अञमजं विवादमकंसु, अथ ते नेसादपुत्तो जीविता वोरोपेत्वा आदाय गतो। विवादे अस्सादो नाम नत्थी"ति वत्वा वट्टकजातकं कथेसि । एवं इमानि पञ्च जातकानि कथेत्वा अवसाने अत्तदण्डसुत्तं कथेसि |
राजानो पसन्ना - "सचे सत्था नागमिस्स, मयं सहत्था अञमजेयेव वधित्वा लोहितनदिं पवत्तयिस्साम, अम्हाकं पुत्तभातरो गेहद्वारे न पस्सेय्याम, सासनपटिसासनम्पि नो आहरणको न भविस्सति । सत्थारं निस्साय नो जीवितं लद्धं । सचे पन सत्था अगारं अज्झावसिस्स, द्विसहस्सदीपपरिवारेसु चतूसु महादीपेसु रज्जमस्स हत्थगतं अभविस्स, अतिरेकसहस्सं खो पनस्स पुत्ता अभविस्संसु, ततो खत्तियपरिवारोव अविचरिस्स । तं खो पनेस सम्पत्तिं पहाय निक्खमित्वा सम्बोधिं पत्तो, इदानिपि खत्तियपरिवारोयेव विचरतू"ति उभयनगरवासिनो अड्डतियानि अड्डतियानि कुमारसतानि अदंसु । भगवा ते पब्बाजेत्वा महावनं अगमासि । तेसं गरुगारववसेन न अत्तनो रुचिया पब्बजितानं अनभिरति उप्पज्जि। पुराणदुतियिकायोपि नेसं "अय्यपुत्ता उक्कण्ठन्तु, घरावासो न सण्ठाती"तिआदीनि वत्वा सासनं पेसेन्ति । ते अतिरेकतरं उक्कण्ठिंसु ।
भगवा आवज्जन्तो तेसं अनभिरतभावं अत्वा “इमे भिक्खू मादिसेन बुद्धेन सद्धिं एकतो वसन्ता उक्कण्ठन्ति, हन्द नेसं कुणालदहस्स वण्णं कथेत्वा तत्थ नेत्वा अनभिरतिं विनोदेस्सामी"ति कुणालदहस्स वण्णं कथेसि । ते तं दद्रुकामा अहेसुं। दद्रुकामत्थ, भिक्खवे, कुणालदहन्ति ? आम भगवाति | यदि एवं, एथ, गच्छामाति । इद्धिमन्तानं भगवा गमनट्ठानं मयं कथं गमिस्सामाति ? तुम्हे गन्तुकामा होथ, अहं ममानुभावेन गहेत्वा गमिस्सामीति । साधु, भन्तेति । अथ भगवा पञ्च भिक्खुसतानि गहेत्वा आकासे
240
Jain Education International
For Private & Personal Use Only
www.jainelibrary.org
| SR No. | 009980 |
| Book Title | Mahavaggatthakatha |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 466 |
| Language | Sanskrit |
| Classification | Interfaith & Buddhism |
| File Size | 20 MB |