Page Text
________________
(४.२४६-२४६)
हत्थिरतनवण्णना
१९३
__एत्तावता रञा चक्कवत्तिना चातुरन्ताय पथविया आधिपच्चं अधिगतं होति । सो एवं विजितविजयो अत्तनो रज्जसिरिसम्पत्तिदस्सनत्थं सपरिसो उद्धं गगनतलं अभिलचित्वा सुविकसितपदुमकुमुदपुण्डरीकवनविचित्ते चत्तारो जातस्सरे विय पञ्चसतपञ्चसतपरित्तदीपपरिवारे चत्तारो महादीपे ओलोकेत्वा चक्करतनदेसितेनेव मग्गेन यथानुक्कम अत्तनो राजधानि पच्चागच्छति । अथ तं चक्करतनं अन्तेपुरद्वारं सोभयमानं विय हुत्वा तिठ्ठति ।
__ एवं पतिहिते पन तस्मिं चक्करतने राजन्तेपुरे उक्काहि वा दीपिकाहि वा किञ्चि करणीयं न होति, चक्करतनोभासोयेव रत्तिं अन्धकारं विधमतियेव । ये पन अन्धकारस्थिका होन्ति, तेसं अन्धकारमेव होति । महासुदस्सनस्सापि सब्बमेतं तथैव अहोसि । तेन वुत्तं - "दक्खिणं समुदं अज्झोगाहेत्वा...पे०... एवरूपं चक्करतनं पातुरहोसी"ति ।
हत्थिरतनवण्णना
२४६. एवं पातुभूतचक्करतनस्सेव चक्कवत्तिनो अमच्चा पकतिमङ्गलहत्थिट्टानं समं सुचिभूमिभागं कारेत्वा हरिचन्दनादीहि सुरभिगन्धेहि उपलिम्पापेत्वा हेट्ठा विचित्तवण्णसुरभिकुसुमसमोकिण्णं उपरि सुवण्णतारकानं अन्तरन्तरा समोसरितमनुञकुसुमदामपटिमण्डितवितानं देवविमानं विय अभिसङ्खरित्वा - “एवरूपस्स नाम देव हत्थिरतनस्स आगमनं चिन्तेथा''ति वदन्ति । सो पुब्बे वुत्तनयेनेव महादानं दत्वा सीलानि च समादाय तं पुञ्जसम्पत्तिं आवज्जन्तो निसीदि । अथस्स पुञानुभावचोदितो छद्दन्तकुला वा उपोसथकुला वा तं सक्कारविसेसं अनुभवितुकामो तरुणरविमण्डलाभिरत्तचरणगीवामुखपटिमण्डितविसुद्धसेतसरीरो सत्तपतिठ्ठो सुसण्ठितअङ्गपच्चङ्गसन्निवेसो विकसितरत्तपदुमचारुपोक्खरो इद्धिमा योगी विय वेहासगमनसमत्थो मनोसिलाचुण्णरजितपरियन्तो विय रजतपब्बतो हत्थिसेट्ठो आगन्त्वा तस्मिं पदेसे तिट्ठति । सो छद्दन्तकुला आगच्छन्तो सब्बकनिट्ठो आगच्छति । उपोसथकुला आगच्छन्तो सब्बजेट्टो । पाळियं पन उपोसथो नागराजा इच्चेव आगतं । नागराजा नाम कस्सचि अपरिभोगो, सब्बकनिट्ठो आगच्छतीति अट्ठकथासु वुत्तं । स्वायं पूरितचक्कवत्तिवत्तानं चक्कवत्तीनं वुत्तनयेनेव चिन्तयन्तानं आगच्छति । महासुदस्सनस्स पन सयमेव पकतिमङ्गलहत्थिट्टानं आगन्त्वा तं हत्थिं अपनेत्वा तत्थ अट्ठासि । तेन वुत्तं- “पुन चपरं आनन्द...पे०... नागराजा"ति।
193
Jain Education International
For Private & Personal Use Only
www.jainelibrary.org
| SR No. | 009980 |
| Book Title | Mahavaggatthakatha |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 466 |
| Language | Sanskrit |
| Classification | Interfaith & Buddhism |
| File Size | 20 MB |