Page Text
________________
(३.२३२-२३२)
महाकस्सपत्थेरवत्थुवण्णना
१७१
पुच्छीति एके । थेरो समापत्तिबहुलो, रत्तिहानदिवाट्ठानलेणमण्डपादीसु निच्चं समापत्तिबलेनेव यापेति, कुलसन्तकम्पि गामं पविसित्वा द्वारे समापत्तिं समापज्जित्वा समापत्तितो वुट्ठितोव भिक्खं गण्हाति । थेरो किर इमिना पछिमेन अत्तभावेन महाजनानुग्गहं करिस्सामि"ये मय्हं भिक्खं वा देन्ति गन्धमालादीहि वा सक्कारं करोन्ति, तेसं तं महप्फलं होतू"ति एवं करोति । तस्मा समापत्तिबहुलताय न जानाति । इति अजानन्तोव पुच्छतीति वदन्ति, तं न गहेतब् ।
न हेत्थ अजाननकारणं अस्थि । अभिलक्खितं सत्थु परिनिब्बानं अहोसि, दससहस्सिलोकधातुकम्पनादीहि निमित्तेहि । थेरस्स पन परिसाय केहिचि भिक्खूहि भगवा दिट्ठपुब्बो, केहिचि न दिठ्ठपुब्बो, तत्थ येहिपि दिठ्ठपुब्बो, तेपि पस्सितुकामाव, येहिपि अदिट्ठपुब्बो, तेपि पस्सितुकामाव । तत्थ येहि न दिट्टपुब्बो, ते अतिदस्सनकामताय गन्त्वा "कुहिं भगवा"ति पुच्छन्ता “परिनिब्बुतो"ति सुत्वा सन्धारेतुं नासक्खिस्सन्ति । चीवरञ्च पत्तञ्च छड्डेत्वा एकवत्था वा दुन्निवत्था वा दुप्पारुता वा उरानि पटिपिसन्ता परोदिस्सन्ति । तत्थ मनुस्सा- “महाकस्सपत्थेरेन सद्धिं आगता पंसुकूलिका सयम्पि इथियो विय परोदन्ति, ते किं अम्हे समस्सासेस्सन्ती"ति मय्हं दोसं दस्सन्ति । इदं पन सुझं महाअरञ्ज, इध यथा तथा रोदन्तेसु दोसो नत्थि । पुरिमतरं सुत्वा नाम सोकोपि तनुको होतीति भिक्खूनं सतुष्पादनत्थाय जानन्तोव पुच्छि।
___ अज्ज सत्ताहपरिनिब्बुतो समणो गोतमोति अज्ज समणो गोतमो सत्ताहपरिनिब्बुतो । ततो मे इदन्ति ततो समणस्स गोतमस्स परिनिब्बुतहानतो ।
२३२. सुभद्दो नाम वुड्डपब्बजितोति "सुभद्दो"ति तस्स नामं । वुड्डकाले पन पब्बजितत्ता "वुड्डपब्बजितो"ति वुच्चति । कस्मा पन सो एवमाह ? भगवति आघातेन । अयं किरेसो खन्धके आगते आतुमावत्थुस्मिं नहापितपुब्बको वुड्डपब्बजितो भगवति कुसिनारतो निक्खमित्वा अड्डतेळसेहि भिक्खुसतेहि सद्धिं आतुमं आगच्छन्ते भगवा आगच्छतीति सुत्वा - "आगतकाले यागुपानं करिस्सामी"ति सामणेरभूमियं ठिते द्वे पुत्ते एतदवोच- "भगवा किर, ताता, आतुमं आगच्छति महता भिक्खुसङ्घन सद्धिं अड्डतेळसेहि भिक्खुसतेहि; गच्छथ तुम्हे, ताता, खुरभण्डं आदाय नाळियावापकेन अनुघरकं अनुघरकं आहिण्डथ लोणम्पि तेलम्पि तण्डुलम्पि खादनीयम्पि संहरथ भगवतो आगतस्स यागुपानं करिस्सामा"ति (महाव० ३०३) । ते तथा अकंसु ।
171
Jain Education International
For Private & Personal Use Only
www.jainelibrary.org
| SR No. | 009980 |
| Book Title | Mahavaggatthakatha |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 466 |
| Language | Sanskrit |
| Classification | Interfaith & Buddhism |
| File Size | 20 MB |