Page Text
________________
(३.१९६-१९७)
पुक्कुसमल्लपुत्तवत्थुवण्णना
आवज्जन्तस्स बलवसोमनस्सं उप्पज्जति, चित्तं पसीदति, चित्ते पसन्ने लोहितं पसीदति, लोहिते पसन्ने मनच्छट्ठानि इन्द्रियानि अतिविय विरोचन्ति । इति आहारविसेसेन चेव बलवसोमनस्सेन च इमेसु द्वीसु कालेसु एवं होतीति वेदितब्बं । उपवत्तनेति पाचीनतो निवत्तनसालवने | अन्तरेन यमकसालानन्ति यमकसालरुक्खानं मज्झे ।
सिङ्गीवण्णन्ति गाथा सङ्गीतिकाले ठपिता ।
१९६. न्हत्वा च पिवित्वा चाति एत्थ तदा किर भगवति नहायन्ते अन्तोनदियं मच्छकच्छपा च उभतोतीरेसु वनसण्डो च सब्बं सुवण्णवण्णमेव होति । अम्बवनन्ति तस्सायेव नदिया तीरे अम्बवनं । आयस्मन्तं चुन्दकन्ति तस्मिं किर खणे आनन्दत्थेरो उदकसाटकं पीळेन्तो ओहीयि, चुन्दत्थेरो समीपे अहोसि । तं भगवा आमन्तेसि ।
गन्त्वान बुद्धो नदिकं ककुधन्ति इमापि गाथा सङ्गीतिकालेयेव ठपिता । तत्थ पवत्ता भगवा इध धम्मेति भगवा इध सासने धम्मे पवत्ता, चतुरासीति धम्मक्खन्धसहस्सानि पवत्तानीति अत्थो । पमुखे निसीदीति सत्थु पुरतोव निसीदि । एत्तावता च थेरो अनुप्पत्ती । एवं अनुप्पत्तं अथ खो भगवा आयस्मन्तं आनन्दं आमन्तेसि ।
१४५
१९७. अलाभाति ये असं दानानिसंससङ्घाता लाभा होन्ति, ते अलाभा । दुल्लद्धन्ति पुञ्ञविसेसेन लद्धम्पि मनुस्सत्तं दुल्लद्धं । यस्स तेति यस्स तव । उत्तण्डुलं वा अतिकिलिन्नं वा को जानाति, कीदिसम्पि पच्छिमं पिण्डपातं परिभुञ्जित्वा तथागतो परिनिब्बुतो, अद्धा ते यं वा तं वा दिन्नं भविस्सतीति । लाभाति दिट्ठधम्मिकसम्परायिकदानानिसंससङ्घाता लाभा । सुलद्धन्ति तुम्हं मनुस्सत्तं सुलद्धं । समसमफलाति सब्बाकारेन समानफला ।
ननु च यं सुजाताय दिन्नं पिण्डपातं भुञ्जित्वा तथागतो अभिसम्बुद्धो, सो सरागसदोससमोहकाले परिभुत्तो, अयं पन चुन्देन दिन्नो वीतरागवीतदोसवीतमोहकाले परिभुत्तो, कस्मा एते समफलाति ? परिनिब्बानसमताय च समापत्तिसमताय च अनुस्तरणसमताय च । भगवा हि सुजाताय दिन्नं पिण्डपातं परिभुञ्जित्वा सउपादिसेसाय निब्बानधातुया परिनिब्बुतो, चुन्देन दिन्नं परिभुजित्वा अनुपादिसेसाय निब्बानधातुया परिनिब्बुतोति एवं परिनिब्बानसमतायपि समफला । अभिसम्बुज्झनदिवसे च
Jain Education International
145
For Private & Personal Use Only
www.jainelibrary.org
| SR No. | 009980 |
| Book Title | Mahavaggatthakatha |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 466 |
| Language | Sanskrit |
| Classification | Interfaith & Buddhism |
| File Size | 20 MB |