Page Text
________________
१४४
दीघनिकाये महावग्गट्ठकथा
(३.१९४-१९५)
देवे वस्सन्तेति सुक्खगज्जितं गज्जित्वा अन्तरन्तरा वस्सन्ते । आतुमायन्ति आतुमं निस्साय विहरामि । भुसागारेति खलसालायं । एत्थेसोति एतस्मिं कारणे एसो महाजनकायो सन्निपतितो। क्व अहोसीति कुहिं अहोसि । सो तं भन्तेति सो त्वं भन्ते |
१९४. सिङ्गीवण्णन्ति सिङ्गीसुवण्णवण्णं । युगमट्ठन्ति मट्ठयुगं, सण्हसाटकयुगळन्ति अत्थो । धारणीयन्ति अन्तरन्तरा मया धारेतब्बं, परिदहितब्बन्ति अत्थो। तं किर सो तथारूपे छणदिवसेयेव धारेत्वा सेसकाले निक्खिपति । एवं उत्तमं मङ्गलवत्थयुगं सन्धायाह । अनुकम्मं उपादायाति मयि अनुकम्पं पटिच्च । अच्छादेहीति उपचारवचनमेतं - एकं महं देहि, एकं आनन्दस्साति अत्थो । किं पन थेरो तं गण्हीति ? आम गण्हि । कस्मा ? मत्थकप्पत्तकिच्चत्ता । किञ्चापि हेस एवरूपं लाभं पटिक्खिपित्वा उपट्टाकट्टानं पटिपन्नो । तं पनस्स उपट्टाककिच्चं मत्थकं पत्तं । तस्मा अग्गहेसि । ये चापि एवं वदेय्युं"अनाराधको मझे आनन्दो पञ्चवीसति वस्सानि उपट्ठहन्तेन न किञ्चि भगवतो सन्तिका तेन लद्धपुब्ब"न्ति । तेसं वचनोकासच्छेदनत्थम्पि अग्गहेसि । अपि च जानाति भगवा- “आनन्दो गहेत्वापि अत्तना न धारेस्सति, महंयेव पूजं करिस्सति । मल्लपुत्तेन पन आनन्दं पूजेन्तेन सङ्घोपि पूजितो भविस्सति, एवमस्स महापुञ्जरासि भविस्सती"ति थेरस्स एकं दापेसि । थेरोपि तेनेव कारणेन अग्गहेसीति । ..धम्मिया कथायाति वत्थानुमोदनकथाय ।
१९५. भगवतो कार्य उपनामितन्ति निवासनपारुपनवसेन अल्लीयापितं । भगवापि ततो एकं निवासेसि, एकं पारुपि । हतच्चिकं वियाति यथा हतच्चिको अङ्गारो अन्तन्तेनेव जोतति, बहि पनस्स पभा नत्थि, एवं बहि पटिच्छन्नप्पभं हुत्वा खायतीति अत्थो ।
इमेसु खो, आनन्द, द्वीसुपि कालेसूति कस्मा इमेसु द्वीसु कालेसु एवं होति ? आहारविसेसेन चेव बलवसोमनस्सेन च । एतेसु हि द्वीसु कालेसु सकलचक्कवाळे देवता आहारे ओजं पक्खिपन्ति, तं पणीतभोजनं कुच्छिं पविसित्वा पसन्नरूपं समुट्ठापेति । आहारसमुट्ठानरूपस्स पसन्नत्ता मनच्छट्ठानि इन्द्रियानि अतिविय विरोचन्ति । सम्बोधिदिवसे चस्स - “अनेककप्पकोटिसतसहस्ससञ्चितो वत मे किलेसरासि अज्ज पहीनो"ति आवज्जन्तस्स बलवसोमनस्सं उप्पज्जति, चित्तं पसीदति, चित्ते पसन्ने लोहितं पसीदति, लोहिते पसन्ने मनच्छट्ठानि इन्द्रियानि अतिविय विरोचन्ति । परिनिब्बानदिवसेपि- “अज्ज, दानाहं, अनेकेहि बुद्धसतसहस्सेहि पविटुं अमतमहानिब्बानं नाम नगरं पविसिस्सामी"ति
144
Jain Education International
For Private & Personal Use Only
www.jainelibrary.org
| SR No. | 009980 |
| Book Title | Mahavaggatthakatha |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 466 |
| Language | Sanskrit |
| Classification | Interfaith & Buddhism |
| File Size | 20 MB |