Mahavaggatthakatha

SR No.: 009980
Original Sutra Author: N/A
Author: Vipassana Research Institute Igatpuri
Publisher: Vipassana Research Institute Igatpuri
Publication Year: 1998
Total Pages: 466
Language: Sanskrit
Classification: Interfaith & Buddhism
File Size: 20 MB

Page 155

दीघनिकाये महावग्गट्ठकथा
सक्खिस्सति ? भेरवारम्मणं पन दस्सेति । तं दिस्वा थेरो निमित्तोभासं न पटिविज्झि । भगवा जानन्तोयेव – “किमत्थं यावततियं आमन्तेसी" ति ? परतो " तिट्ठतु, भन्ते, भगवा "ति याचिते "तुम्हेवेतं दुक्कटं, अपरद्ध "न्ति दोसारोपनेन सोकतनुकरणत्थं ।
तुम्हेवेतं
१३०
मारयाचनकथावण्णना
१६८. मारो पापिमाति एत्थ मारोति सत्ते अनत्थे नियोजेन्तो मारेतीति मारो । पापिमाति तस्सेव वेवचनं । सो हि पापधम्मसमन्नागतत्ता " पापिमा "ति वुच्चति । कण्हो, अन्तको, नमुचि, पमत्तबन्धूतिपि तस्सेव नामानि । भासिता खो पनेसाति अयहि भगवतो सम्बोधिपत्तिया अट्ठमे सत्ताहे बोधिमण्डेयेव आगन्त्वा – “भगवा यदत्थं तुम्हेहि पारमियो पूरिता, सो वो अत्थो अनुप्पत्तो, पटिविद्धं सब्बञ्जतञ्ञणं, किं ते लोकविचारणेनाति वत्वा, यथा अज्ज, एवमेव "परिनिब्बातु दानि, भन्ते, भगवा "ति याचि । भगवा चस्स "न तावाह "न्तिआदीनि वत्वा पटिक्खिपि । तं सन्धाय " भासिता खो पनेसा भन्ते "तिआदिमाह ।
-
तत्थ वियत्ताति मग्गवसेन वियत्ता । तथेव विनीता तथा विसारदा । बहुस्सु तेपिटकवसेन बहु सुतमेतेसन्ति बहुस्सुता । तमेव धम्मं धारेन्तीति धम्मधरा । अथवा परियत्तिबहुस्सुता चेव पटिवेधबहुस्सुता च । परियत्तिपटिवेधधम्मानंयेव धारणतो धम्मधराति एवमेत्थ अत्थो दट्ठब्बो । धम्मानुधम्मपटिपन्नाति अरियधम्मस्स अनुधम्मभूतं विपस्सनाधम्मं पटिपन्ना । सामीचिप्पटिपन्नाति अनुच्छविकपटिपदं पटिपन्ना । अनुधम्मचारिनोति अनुधम्मचरणसीला । सकं आचरियकन्ति अत्तनो आचरियवादं । आचिक्खिस्सन्तीतिआदीनि सब्बानि अञ्ञमञ्ञस्स वेवचनानि । सहधम्मेनाति सहेतुकेन सकारणेन वचनेन । सप्पाटिहारियन्ति याव न निय्यानिकं कत्वा धम्मं देसेस्सन्ति ।
(३.१६८-१६८)
ब्रह्मचरियन्ति सिक्खत्तयसङ्गहितं सकलं सासनब्रह्मचरियं । इद्धन्ति समिद्धं झानस्सादवसेन । फीतन्ति वुद्धिप्पत्तं सब्बफालिफुल्लं विय अभिज्ञाय सम्पत्तिवसेन । वित्थारिकन्ति वित्थतं तस्मिं तस्मिं दिसाभागे पतिट्ठितवसेन । बाहुजञ्जन्ति बहुजनेहि आतं पटिविद्धं महाजनाभिसमयवसेन । पुथुभूतन्ति सब्बाकारवसेन पुथुलभावप्पत्तं । कथं ? याव
130