Page Text
________________
(३.१६६-१६६)
निमित्तोभासकथावण्णना
१२७
मातुलो आगतो''ति आह । इदानि कुहिन्ति ? गामद्वारेति । एककोव, अोपि कोचि अत्थीति ? अस्थि पञ्चसता भिक्खूति । किं कारणा आगतोति ? सो तं पवत्तिं आरोचेसि । ब्राह्मणी- "किं नु खो एत्तकानं वसनट्ठानं पटिजग्गापेति, दहरकाले पब्बजित्वा महल्लककाले गिही होतुकामो"ति चिन्तेन्ती जातोवरकं पटिजग्गापेत्वा पञ्चसतानं भिक्खूनं वसनट्ठानं कारेत्वा दण्डदीपिकायो जालेत्वा थेरस्स पाहेसि ।
JohHHATH
थेरो भिक्खूहि सद्धिं पासादं अभिरुहि । अभिरुहित्वा च जातोवरकं पविसित्वा निसीदि । निसज्जेव- "तुम्हाकं वसनट्ठानं गच्छथा''ति भिक्खू उय्योजेसि। तेसु गतमत्तेसुयेव थेरस्स खरो आबाधो उप्पज्जि, लोहितपक्खन्दिका मारणन्तिका वेदना वत्तन्ति, एकं भाजनं पविसति, एकं निक्खमति । ब्राह्मणी- "मम पुत्तस्स पवत्ति महं न रुच्चती''ति अत्तनो वसनगब्भद्वारं निस्साय अठ्ठासि । चत्तारो महाराजानो "धम्मसेनापति कुहिं विहरती"ति ओलोकेन्ता “नाळकगामे जातोवरके परिनिब्बानमञ्चे निपन्नो, पच्छिमदस्सनं गमिस्सामा"ति आगम्म वन्दित्वा अटुंसु । थेरो- के तुम्हेति ? महाराजानो, भन्तेति । कस्मा आगतत्थाति ? गिलानुपट्ठाका भविस्सामाति । होतु, अत्थि गिलानुपट्ठाको, गच्छथ तुम्हेति उय्योजेसि। तेसं गतावसाने तेनेव नयेन सक्को देवानमिन्दो, तस्मिं गते सुयामादयो महाब्रह्मा च आगमिंसु । तेपि तथैव थेरो उय्योजेसि |
। ब्राह्मणी देवतानं आगमनञ्च गमनञ्च दिस्वा - “के नु खो एते मम पुत्तं वन्दित्वा गच्छन्ती"ति थेरस्स गब्भद्वारं गन्त्वा- “तात, चुन्द, का पवत्ती"ति पुच्छि । सो तं पवत्तिं आचिक्खित्वा- “महाउपासिका, भन्ते आगता"ति आह । थेरो कस्मा अवेलाय आगतत्थाति पुच्छि। सा तुम्हं तात दस्सनत्थायाति वत्वा “तात के पठमं आगता"ति पुच्छि। चत्तारो महाराजानो, उपासिकेति । तात, त्वं चतूहि महाराजेहि महन्ततरोति ? आरामिकसदिसा एते उपासिके, अम्हाकं सत्थु पटिसन्धिग्गहणतो पट्ठाय खग्गहत्था हुत्वा आरक्खं अकंसूति । तेसं तात, गतावसाने को आगतोति ? सक्को देवानमिन्दोति । देवराजतोपि त्वं तात, महन्ततरोति ? भण्डगाहकसामणेरसदिसो एस उपासिके, अम्हाकं सत्थु तावतिसतो ओतरणकाले पत्तचीवरं गहेत्वा ओतिण्णोति । तस्स तात गतावसाने जोतमानो विय को आगतोति ? उपासिके तुम्हं भगवा च सत्था च महाब्रह्मा नाम एसोति । मय्हं भगवतो महाब्रह्मतोपि त्वं तात महन्ततरोति ? आम उपासिके, एते नाम किर अम्हाकं सत्थु जातदिवसे चत्तारो महाब्रह्मानो महापुरिसं सुवण्णजालेन पटिग्गहिंसूति ।
127
Jain Education International
For Private & Personal Use Only
www.jainelibrary.org
| SR No. | 009980 |
| Book Title | Mahavaggatthakatha |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 466 |
| Language | Sanskrit |
| Classification | Interfaith & Buddhism |
| File Size | 20 MB |