________________
११८
दीघनिकाये महावग्गट्ठकथा
(३.१५४-१५४)
काळकण्णिसत्ता पटिक्कमन्ति, तं मयं नगरमङ्गलं वदापेस्सामा"ति चिन्तेत्वा सत्थारं उपसङ्कमित्वा निमन्तयिंसु । तस्मा – “अथ खो सुनिधवस्सकारा'"तिआदि वुत्तं ।
पुब्बण्हसमयन्ति पुब्बण्हकाले । निवासेत्वाति गामप्पवेसननीहारेन निवासनं निवासेत्वा कायबन्धनं बन्धित्वा । पत्तचीवरमादायाति पत्तञ्च चीवरञ्च आदियित्वा कायप्पटिबद्धं कत्वा ।
सीलवन्तेत्थाति सीलवन्ते एत्थ । सञतेति कायवाचामनेहि सचते ।
तासं दक्षिणमादियेति सङ्घस्स दिन्ने चत्तारो पच्चये तासं घरदेवतानं आदिसेय्य, पत्तिं ददेय्य । पूजिता पूजयन्तीति - "इमे मनुस्सा अम्हाकं ज्ञातकापि न होन्ति, एवम्पि नो पत्तिं देन्ती"ति आरक्खं सुसंविहितं करोथाति सुट्टु आरक्खं करोन्ति । मानिता मानयन्तीति कालानुकालं बलिकम्मकरणेन मानिता “एते मनुस्सा अम्हाकं ज्ञातकापि न होन्ति, चतुमासछमासन्तरे नो बलिकम्मं करोन्ती"ति मानेन्ति, मानेन्तियो उप्पन्नं परिस्सयं हरन्ति ।
ततो नन्ति ततो नं पण्डितजातिकं मनुस्सं । ओरसन्ति उरे ठपेत्वा संवडितं, यथा माता ओरसं पुतं अनुकम्पति, उप्पन्नपरिस्सयहरणत्थमेव तस्स वायमति, एवं अनुकम्पन्तीति अत्थो । भद्रानि पस्सतीति सुन्दरानि पस्सति ।
१५४. उलुम्पन्ति पारगमनत्थाय आणियो कोठूत्वा कतं । कुल्लन्ति वल्लिआदीहि बन्धित्वा कतं।
"ये तरन्ति अण्णव'"न्ति गाथाय अण्णवन्ति सब्बन्तिमेन परिच्छेदेन योजनमत्तं गम्भीरस्स च पुथुलस्स च उदकट्ठानस्सेतं अधिवचनं । सरन्ति इध नदी अधिप्पेता । इदं वुत्तं होति, ये गम्भीरवित्थतं तण्हासरं तरन्ति, ते अरियमग्गसङ्खातं सेतुं कत्वान । विसज्ज पल्ललानि अनामसित्वा उदकभरितानि निन्नहानानि । अयं पन इदं अप्पमत्तकं तरितुकामोपि कुल्लन्हि जनो पबन्धति । बुद्धा च बुद्धसावका च विनायेव कुल्लेन तिण्णा मेधाविनो जनाति ।
पठमभाणवारवण्णना निहिता ।
118
Jain Education International
For Private & Personal Use Only
www.jainelibrary.org
