Page Text
________________
दीघनिकायो-३
(३.१.९-११)
९. "अस्सोसि खो, भग्गव, सुनक्खत्तो लिच्छविपुत्तो- 'अचेलो किर कोरक्खत्तियो अलसकेन कालङ्कतो बीरणत्थम्बके सुसाने छड्डितो'ति । अथ खो, भग्गव, सुनक्खत्तो लिच्छविपुत्तो येन बीरणत्थम्बकं सुसानं, येन अचेलो कोरक्खत्तियो तेनुपसङ्कमि; उपसङ्कमित्वा अचेलं कोरक्खत्तियं तिक्खत्तुं पाणिना आकोटेसि- 'जानासि, आवुसो कोरक्खत्तिय, अत्तनो गति'न्ति ? 'अथ खो, भग्गव, अचेलो कोरक्खत्तियो पाणिना पिट्टि परिपुञ्छन्तो वुढासि । ‘जानामि, आवुसो सुनक्खत्त, अत्तनो गतिं । कालकञ्चिका नाम असुरा सब्बनिहीनो असुरकायो, तत्राम्हि उपपन्नोति वत्वा तत्थेव उत्तानो पपति ।
१०. “अथ खो, भग्गव, सुनक्खत्तो लिच्छविपुत्तो येनाहं तेनुपसङ्कमि; उपसङ्कमित्वा मं अभिवादेत्वा एकमन्तं निसीदि । एकमन्तं निसिन्नं खो अहं, भग्गव, सुनक्खत्तं लिच्छविपुत्तं एतदवोचं - 'तं किं मञ्जसि, सुनक्खत्त, यथेव ते अहं अचेलं कोरक्खत्तियं आरब्भ ब्याकासिं, तथैव तं विपाकं, अञथा वाति ? 'यथेव मे, भन्ते, भगवा अचेलं कोरक्खत्तियं आरब्भ ब्याकासि, तथेव तं विपाकं, नो अञथा'ति | 'तं किं मञ्जसि, सुनक्खत्त, यदि एवं सन्ते कतं वा होति उत्तरिमनुस्सधम्मा इद्धिपाटिहारियं, अकतं वा'ति ? 'अद्धा खो, भन्ते, एवं सन्ते कतं होति उत्तरिमनुस्सधम्मा इद्धिपाटिहारियं, नो अकतन्ति । ‘एवम्पि खो मं त्वं, मोघपुरिस, उत्तरिमनुस्सधम्मा इद्धिपाटिहारियं करोन्तं एवं वदेसि - 'न हि पन मे, भन्ते, भगवा उत्तरिमनुस्सधम्मा इद्धिपाटिहारियं करोती'ति । पस्स, मोघपुरिस, यावञ्च ते इदं अपरद्धन्ति । “एवम्पि खो, भग्गव, सुनक्खत्तो लिच्छविपुत्तो मया वुच्चमानो अपक्कमेव इमस्मा धम्मविनया, यथा तं आपायिको नेरयिको ।
अचेलकळारमट्टकवत्थु
११. “एकमिदाहं, भग्गव, समयं वेसालियं विहरामि महावने कूटागारसालायं । तेन खो पन समयेन अचेलो कळारमट्टको वेसालियं पटिवसति लाभग्गप्पत्तो चेव यसग्गप्पत्तो च वज्जिगामे । तस्स सत्तवतपदानि समत्तानि समादिन्नानि होन्ति । 'यावजीवं अचेलको अस्सं, न वत्थं परिदहेय्यं । यावजीवं ब्रह्मचारी अस्सं, न मेथुनं धम्म पटिसेवेय्यं । यावजीवं सुरामंसेनेव यापेय्यं, न ओदनकुम्मासं भुजेय्यं । पुरथिमेन वेसालिं उदेनं नाम चेतियं, तं नातिक्कमेय्यं । दक्खिणेन वेसालिं गोतमकं नाम चेतियं, तं नातिक्कमेय्यं । पच्छिमेन वेसालिं सत्तम्बं नाम चेतियं, तं नातिक्कमेय्यं, उत्तरेन वेसालिं
Jain Education International
For Private & Personal Use Only
www.jainelibrary.org
| SR No. | 009978 |
| Book Title | Dighnikayo Part 3 |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 338 |
| Language | Sanskrit |
| Classification | Interfaith & Buddhism |
| File Size | 11 MB |