Page Text
________________
(३.१.८-८)
१. पाथिकसुत्तं
सुनक्खत्तं लिच्छविपुत्तं एतदवोचं - ‘त्वम्पि नाम, मोघपुरिस, समणो सक्यपुत्तियो पटिजानिस्ससी'ति! 'किं पन मं, भन्ते, भगवा एवमाह - 'त्वम्पि नाम, मोघपुरिस, समणो सक्यपुत्तियो पटिजानिस्ससी'ति ? 'ननु ते, सुनक्खत्त, इमं अचेलं कोरक्खत्तियं कुक्कुरवतिकं चतुक्कुण्डिकं छमानिकिण्णं भक्खसं मुखेनेव खादन्तं मुखेनेव भुञ्जन्तं दिस्वान एतदहोसि - साधुरूपो वत, भो, अयं समणो चतुक्कुण्डिको छमानिकिण्णं भक्खसं मुखेनेव खादति, मुखेनेव भुञ्जती'ति ? ‘एवं, भन्ते। किं पन, भन्ते, भगवा अरहत्तस्स मच्छरायती'ति ? 'न खो अहं, मोघपुरिस, अरहत्तस्स मच्छरायामि । अपि च, तुम्हेवेतं पापकं दिट्ठिगतं उप्पन्नं, तं पजह | मा ते अहोसि दीघरत्तं अहिताय दुक्खाय । यं खो पनेतं, सुनक्खत्त, मञसि अचेलं कोरक्खत्तियं - 'साधुरूपो अयं समणो'ति । सो सत्तमं दिवसं अलसकेन कालङ्करिस्सति । कालङ्कतो च कालकञ्चिका नाम असुरा सब्बनिहीनो असुरकायो, तत्र उपपज्जिस्सति । कालङ्कतञ्च नं बीरणत्थम्बके सुसाने छड्डेस्सन्ति । आकङ्खमानो च त्वं, सुनक्खत्त, अचेलं कोरक्खत्तियं उपसङ्कमित्वा पुच्छेय्यासि- 'जानासि, आवुसो कोरक्खत्तिय, अत्तनो गति'न्ति ? ठानं खो पनेतं, सुनक्खत्त, विज्जति यं ते अचेलो कोरक्खत्तियो ब्याकरिस्सति - ‘जानामि, आवुसो सुनक्खत्त, अत्तनो गतिं; कालकञ्चिका नाम असुरा सब्बनिहीनो असुरकायो, तत्राम्हि उपपन्नोति ।
“अथ खो, भग्गव, सुनक्खत्तो लिच्छविपुत्तो येन अचेलो कोरक्खत्तियो तेनुपसङ्कमि; उपसङ्कमित्वा अचेलं कोरक्खत्तियं एतदवोच – “ब्याकतो खोसि, आवुसो कोरक्खत्तिय, समणेन गोतमेन – 'अचेलो कोरक्खत्तियो सत्तमं दिवसं अलसकेन कालङ्करिस्सति । कालङ्कतो च कालकञ्चिका नाम असुरा सब्बनिहीनो असुरकायो, तत्र उपपज्जिस्सति । कालङ्कतञ्च नं बीरणथम्बके सुसाने छड्डेस्सन्ती'ति । येन त्वं, आवुसो कोरक्खत्तिय, मत्तं मत्तञ्च भत्तं भुजेय्यासि, मत्तं मत्तञ्च पानीयं पिवेय्यासि । यथा समणस्स गोतमस्स मिच्छा अस्स वचन"न्ति ।
८. “अथ खो, भग्गव, सुनक्खत्तो लिच्छविपुत्तो एकद्वीहिकाय सत्तरत्तिन्दिवानि गणेसि, यथा तं तथागतस्स असद्दहमानो । अथ खो, भग्गव, अचेलो कोरक्खत्तियो सत्तमं दिवसं अलसकेन कालमकासि । कालङ्कतो च कालकञ्चिका नाम असुरा सब्बनिहीनो असुरकायो, तत्र उपपज्जि । कालङ्कतञ्च नं बीरणथम्बके सुसाने छड्डेसुं ।
Jain Education International
For Private & Personal Use Only
www.jainelibrary.org
| SR No. | 009978 |
| Book Title | Dighnikayo Part 3 |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 338 |
| Language | Sanskrit |
| Classification | Interfaith & Buddhism |
| File Size | 11 MB |