________________
(३.११.३५८-३५८)
११. दसुत्तरसुत्तं
२३७
पन मे करोन्तस्स कायो किलमिस्सति, हन्दाहं निपज्जामी"ति । सो निपज्जति, न वीरियं आरभति अप्पत्तस्स पत्तिया अनधिगतस्स अधिगमाय असच्छिकतस्स सच्छिकिरियाय । इदं पठमं कुसीतवत्थु ।
“पुन चपरं, आवुसो, भिक्खुना कम्मं कतं होति । तस्स एवं होति - “अहं खो कम्मं अकासिं, कम्मं खो पन मे करोन्तस्स कायो किलन्तो, हन्दाहं निपज्जामी"ति । सो निपज्जति, न वीरियं आरभति...पे०... । इदं दुतियं कुसीतवत्थु ।
"पुन चपरं, आवुसो, भिक्खुना मग्गो गन्तब्बो होति । तस्स एवं होति - “मग्गो खो मे गन्तब्बो भविस्सति, मग्गं खो पन मे गच्छन्तस्स कायो किलमिस्सति, हन्दाहं निपज्जामी''ति । सो निपज्जति, न वीरियं आरभति...पे०...। इदं ततियं कुसीतवत्थु ।
“पुन चपरं, आवुसो, भिक्खुना मग्गो गतो होति । तस्स एवं होति - “अहं खो मग्गं अगमासिं, मग्गं खो पन मे गच्छन्तस्स कायो किलन्तो, हन्दाहं निपज्जामी'ति । सो निपज्जति, न वीरियं आरभति...पे०... । इदं चतुत्थं कुसीतवत्थु ।
"पुन चपरं, आवुसो, भिक्खु गामं वा निगमं वा पिण्डाय चरन्तो न लभति लूखस्स वा पणीतस्स वा भोजनस्स यावदत्थं पारिपूरिं। तस्स एवं होति-- “अहं खो गामं वा निगमं वा पिण्डाय चरन्तो नालत्थं लूखस्स वा पणीतस्स वा भोजनस्स यावदत्थं पारिपूरि, तस्स मे कायो किलन्तो अकम्मो , हन्दाहं निपज्जामी"ति...पे०...। इदं पञ्चमं कुसीतवत्थु ।
___“पुन चपरं, आवुसो, भिक्खु गामं वा निगमं वा पिण्डाय चरन्तो लभति लूखस्स वा पणीतस्स वा भोजनस्स यावदत्थं पारिपूरिं। तस्स एवं होति- अहं खो गामं वा निगमं वा पिण्डाय चरन्तो अलत्थं लूखस्स वा पणीतस्स वा भोजनस्स यावदत्थं पारिपूरिं, तस्स मे कायो गरुको अकम्मो , मासाचितं मझे, हन्दाहं निपज्जामी''ति । सो निपज्जति...पे०... । इदं छठें कुसीतवत्थु ।
"पुन चपरं, आवुसो, भिक्खुनो उप्पन्नो होति अप्पमत्तको आबाधो, तस्स एवं
237
Jain Education International
For Private & Personal Use Only
www.jainelibrary.org
