Page Text
________________
११. दसुत्तरसुतं
" पुन चपरं आवुसो, भिक्खुनो रूपे मनसिकरोतो रूपेसु चित्तं न पक्खन्दति न पसीदति न सन्तिट्ठति न विमुच्चति । अरूपं खो पनस्स मनसिकरोतो अरूपे चित्तं पक्खन्दति पसीदति सन्तिट्ठति विमुच्चति । तस्स तं चित्तं सुगतं सुभावितं सुवुट्ठितं सुविमुत्तं विसंयुत्तं रूपेहि । ये च रूपपच्चया उप्पज्जन्ति आसवा विघाता परिळाहा, मुत्तो सो तेहि। न सो तं वेदनं वेदेति । इदमक्खातं रूपानं निस्सरणं ।
(३.११.३५५-३५५)
" पुन चपरं आवुसो, भिक्खुनो सक्कायं मनसिकरोतो सक्काये चित्तं न पक्खन्दति न पसीदति न सन्तिट्ठति न विमुच्चति । सक्कायनिरोधं खो पनस्स मनसिकरोतो सक्कायनिरोधे चित्तं पक्खन्दति पसीदति सन्तिट्ठति विमुच्चति । तस्स तं चित्तं सुगतं सुभावितं सुवुट्ठितं सुविमुत्तं विसंयुत्तं सक्कायेन । ये च सक्कायपच्चया उप्पज्जन्ति आसवा विघाता परिळाहा, मुत्तो सो तेहि । न सो तं वेदनं वेदेति । इदमक्खातं सक्कायस्स निस्सरणं । इमे पञ्च धम्मा दुप्पटिविज्झा |
(ज) “ कतमे पञ्च धम्मा उप्पादेतब्बा ? पञ्च आणिको सम्मासमाधि - "अयं समाधि पच्चुप्पन्नसुखो चेव आयतिञ्च सुखविपाको 'ति पच्चत्तंयेव आणं उप्पज्जति । "अयं समाधि अरियो निरामिसोति पच्चत्तञ्ञेव आणं उप्पज्जति । " अयं समाधि अकापुरिससेवितो 'ति पच्चत्तंयेव जाणं उप्पज्जति । " अयं समाधि सन्तो पणीतो पटिप्पस्सद्धलद्धो एकोदिभावाधिगतो, न ससङ्घारनिग्गय्हवारितगतो 'ति पच्चत्तंयेव आणं उप्पज्जति । “सो खो पनाहं इमं समाधिं सतोव समापज्जामि सतो वुट्ठहामी "ति पच्चत्तंयेव आणं उप्पज्जति । इमे पञ्च धम्मा उप्पादेतब्बा ।
२२५
(झ) “कतमे पञ्च धम्मा अभिज्ञेय्या ? पञ्च विमुत्तायतनानि - इधावुसो, भिक्खुनो सत्था धम्मं देसेति अञ्ञतरो वा गरुट्ठानियो सब्रह्मचारी । यथा यथा, आवुसो, भिक्खु सत्था धम्मं देसेति, अञ्ञतरो वा गरुट्ठानियो सब्रह्मचारी, तथा तथा सो तस्मिं धम्मे अत्थप्पटिसंवेदी च होति धम्मपटिसंवेदी च । तस्स अत्थप्पटिसंवेदिनो धम्मपटिसंवेदिनो पामोज्जं जायति, पमुदितस्स पीति जायति, पीतिमनस्स कायो पस्सम्भति, पस्सद्धका सुखं वेदेति, सुखिनो चित्तं समाधियति । इदं पठमं विमुत्तायतनं ।
“पुन चपरं आवुसो, भिक्खुनो न हेव खो सत्था धम्मं देसेति अञ्ञतरो वा गरुट्ठानियो सब्रह्मचारी, अपि च खो यथासुतं यथापरियत्तं धम्मं वित्थारेन परेसं देसेति ।
Jain Education International
225
For Private & Personal Use Only
www.jainelibrary.org
| SR No. | 009978 |
| Book Title | Dighnikayo Part 3 |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 338 |
| Language | Sanskrit |
| Classification | Interfaith & Buddhism |
| File Size | 11 MB |