Dighnikayo Part 3

SR No.: 009978
Original Sutra Author: N/A
Author: Vipassana Research Institute Igatpuri
Publisher: Vipassana Research Institute Igatpuri
Publication Year: 1998
Total Pages: 338
Language: Sanskrit
Classification: Interfaith & Buddhism
File Size: 11 MB

Page 244

(३.१०.३३५-३३५)
१०. सङ्गीतिसुत्तं
२०३
होति - “उप्पन्नो खो मे अयं अप्पमत्तको आबाधो; अत्थि कप्पो निपज्जितुं, हन्दाहं निपज्जामी"ति ! सो निपज्जति न वीरियं आरभति । इदं सत्तमं कुसीतवत्थु ।
“पुन चपरं, आवुसो, भिक्खु गिलाना वुट्ठितो होति अचिरवुट्टितो गेला । तस्स एवं होति- “अहं खो गिलाना वुट्ठितो अचिरवुट्ठितो गेला , तस्स मे कायो दुब्बलो अकम्मो , हन्दाहं निपज्जामी''ति! सो निपज्जति न वीरियं आरभति अप्पत्तस्स पत्तिया अनधिगतस्स अधिगमाय असच्छिकतस्स सच्छिकिरियाय । इदं अट्ठमं कुसीतवत्थु ।
___३३५. “अट्ठ आरम्भवत्थूनि। इधावुसो, भिक्खुना कम्मं कातब्बं होति । तस्स एवं होति - “कम्मं खो मे कातब्बं भविस्सति, कम्मं खो पन मे करोन्तेन न सुकरं बुद्धानं सासनं मनसि कातुं, हन्दाहं वीरियं आरभामि अप्पत्तस्स पत्तिया अनधिगतस्स अधिगमाय, असच्छिकतस्स सच्छिकिरियाया'ति! सो वीरियं आरभति अप्पत्तस्स पत्तिया, अनधिगतस्स अधिगमाय असच्छिकतस्स सच्छिकिरियाय । इदं पठमं आरम्भवत्थु ।
"पुन चपरं, आवुसो, भिक्खुना कम्म कतं होति । तस्स एवं होति- अहं खो कम्मं अकासिं, कम्मं खो पनाहं करोन्तो नासक्खिं बुद्धानं सासनं मनसि कातुं, हन्दाहं वीरियं आरभामि...पे०... सो वीरियं आरभति...पे०... । इदं दुतियं आरम्भवत्थु ।
“पुन चपरं, आवुसो, भिक्खुना मग्गो गन्तब्बो होति । तस्स एवं होति - मग्गो खो मे गन्तब्बो भविस्सति, मग्गं खो पन मे गच्छन्तेन न सुकरं बुद्धानं सासनं मनसि कातुं । हन्दाहं वीरियं आरभामि...पे०... सो वीरियं आरभति...पे०...। इदं ततियं आरम्भवत्थु ।
"पुन चपरं, आवुसो, भिक्खुना मग्गो गतो होति । तस्स एवं होति- अहं खो मग्गं अगमासिं, मग्गं खो पनाहं गच्छन्तो नासक्खिं बुद्धानं सासनं मनसि कातुं, हन्दाहं वीरियं आरभामि...पे०... सो वीरियं आरभति...पे०... । इदं चतुत्थं आरम्भवत्थु ।
"पुन चपरं, आवुसो, भिक्खु गामं वा निगमं वा पिण्डाय चरन्तो न लभति लूखस्स वा पणीतस्स वा भोजनस्स यावदत्थं पारिपूरिं। तस्स एवं होति - अहं खो गामं वा निगमं वा पिण्डाय चरन्तो नालत्थं लूखस्स वा पणीतस्स वा भोजनस्स यावदत्थं
203